நரேந்திர மோடியின் பேச்சை மொழி பெயர்த்த தமிழக முஸ்லிம் பெண்

By Mathi

Updated: Thursday, April 17, 2014, 10:13 [IST]

Subscribe to Oneindia Tamil

கிருஷ்ணகிரி: பாரதிய ஜனதா கட்சியின் பிரதமர் வேட்பாளர் நரேந்திர மோடி கிருஷ்ணகிரியில் கலந்து கொண்ட பொதுக்கூட்டத்தில் அவரது பேச்சை பாஜகவின் நிர்வாகியான முஸ்லிம் பெண் முனவரி பேகம் மொழிபெயர்த்தார்.

பாரதிய ஜனதா கட்சியின் பிரதமர் வேட்பாளர் நரேந்திர மோடி தமிழகத்தில் நேற்றும் இன்றும் 2 நாட்கள் சுற்றுப்பயணம் செய்து தேர்தல் பிரசார பொதுக்கூட்டங்களில் பங்கேற்கிறார். கிருஷ்ணகிரியில் நேற்று பிரசார பொதுக்கூட்டத்தில் பேசினார். மோடி தனது பிரசார உரையை தமிழில் தொடங்கி பேசினார்.

அப்போது ,வரும் தேர்தல் வேட்பாளர்களுக்கான தேர்தல் இல்லை என்றும் மக்களுக்கான தேர்தல் என்று மோடி கூறினார். பின்னர் அவர் ஹிந்தி மொழியில் பேசினார்.

அவரது ஹிந்தி பேச்சை பாரதிய ஜனதா கட்சியின் மாநில சிறுபான்மை பிரிவு துணைத்தலைவரான முனவரிபேகம் மொழி பெயர்த்து தமிழில் கூறினார். முஸ்லிம் சமுதாயத்தை சேர்ந்த அவர், மேடையில் ஏறி மோடியின் அருகில் நின்று அவரது பேச்சை தமிழில் மொழி பெயர்த்தது பலரையும் ஆச்சரியப்படுத்தியது.