அதிமுகவுக்கு அம்மா அப்பா எம்ஜிஆரும் ஜெயலலிதாவும்தான்.. மோடி நண்பர்தான்.. செல்லூர் ராஜூ அடடே
அதிமுகவுக்கு பிரதமர் மோடி நண்பர்தான் என அமைச்சர் செல்லூர் ராஜூ தெரிவித்துள்ளார்.
மதுரை: அதிமுகவிற்கு தந்தையும், தாயும் எம்ஜிஆரும் ஜெயலலிதாவும் மட்டும்தான் என அமைச்சர் செல்லூர் ராஜூ தெரிவித்துள்ளார். மேலும் அதிமுகவை பொறுத்தவரை பிரதமர் மோடி நண்பர்தான் என அமைச்சர் செல்லூர் ராஜூ தெரிவித்துள்ளார்.
கட்சி இணைப்பு குறித்து பிரதமர் மோடி ஆலோசனை வழங்கியதாக துணை முதல்வர் ஓ.பன்னீர்செல்வம் கூறியது பெரும் பரபரப்பை ஏற்படுத்தியது. இதுகுறித்து அதிமுக அமைச்சர்கள் விளக்கம் அளித்து வருகின்றனர்.
இந்நிலையில் அமைச்சர் செல்லூர் ராஜூ இன்று செய்தியாளர்களிடம் பேசினார். அப்போது பேரவையில் ஜெயலலிதா படத்திறப்பு விழாவுக்கு பிரதமர் மோடிக்கு அழைப்பு விடுக்கவில்லை என அவர் கூறினார்.
எதிர்க்கட்சி தலைவர் ஸ்டாலின் கூறியதற்காக அனைத்துக் கட்சி கூட்டம் நடத்தவில்லை என்றும் செல்லூர் ராஜூ தெரிவித்தார். அதிமுகவை பொறுத்தவரை பிரதமர் மோடி எங்களின் நண்பர் மட்டுமே என்றும் செல்லூர் ராஜூ தெரிவித்தார்.
அதிமுகவிற்கு தந்தையும், தாயும் எம்ஜிஆரும் ஜெயலலிதாவும் மட்டும்தான் என்றும் அமைச்சர் செல்லூர் ராஜூ கூறினார்.