ரஜினிகாந்தை வீட்டில் சந்திக்கிறார் நரேந்திர மோடி!

சென்னை: சென்னை வரும் பாரதிய ஜனதா கட்சியின் பிரதமர் வேட்பாளர் நரேந்திர மோடி இன்று மாலை 5 மணிக்கு நடிகர் ரஜினிகாந்தை அவரது வீட்டில் சந்தித்து பேசுகிறார்.

காங்கிரஸ் பாஜக தலைவர்கள் ரஜினியைச் சந்தித்து ஆதரவு கேட்பதில் தீவிரமாக உள்ளனர். குறிப்பாக நரேந்திர மோடி வாய்ப்புக் கிடைக்கும்போதெல்லாம் ரஜினியைச் சந்திக்கத் தவறுவதில்லை.

தமிழக பாஜக தலைவர்கள் பொன் ராதாகிருஷ்ணன், இல கணேசன் போன்றவர்கள், ஒவ்வொரு பேட்டியிலும் ரஜினியின் ஆதரவு எங்களுக்கே என்று கூறி வருகின்றனர். இந்த நிலையில், இறுதிக் கட்ட தேர்தல் பிரச்சாரத்துக்காக நரேந்திர மோடி இன்று மாலை சென்னை வருகிறார்.

ரஜினி - மோடி சந்திப்பு

அப்போது ரஜினியைச் சந்தித்துப் பேசுகிறார். பாஜக தலைமை அலுவலகமான கமலாலயத்தில் நேற்று இதுகுறித்து பேட்டியளித்த தமிழக பா.ஜ.க பொறுப்பாளரும், தேசிய பொதுச் செயலாளருமான முரளிதரராவ், "தமிழகத்திற்கு பிரசாரம் மேற்கொள்ள வரும் பா.ஜ.க பிரதமர் வேட்பாளர் நரேந்திர மோடி, ரஜினியைச் சந்தித்துப் பேசுவார் என தெரிவித்தார்.

ரஜினி வீட்டில்...

இன்று மாலை 5 மணிக்கு நடிகர் ரஜினிகாந்தை போயஸ் கார்டன் இல்லத்தில் மோடி சந்தித்து பேசுகிறார்.

ஏற்கெனவே ஆந்திராவில் முன்னணி நட்சத்திரங்கள் பலரும் நரேந்திர மோடியை நேரில் சந்தித்து வருவது குறிப்பிடத்தக்கது.

English summary

BJP's Prime Ministerial candidate and star campaigner Narendra Modi is likely to visit superstar Rajnikanth at his Chennai residence on Sunday for a "personal meeting."