அண்டங்காக்காவை பார்த்திருப்பீங்க, மோடியின் காக்காவை பார்த்திருக்கிறீர்களா?

By Siva

Published: Thursday, January 29, 2015, 11:38 [IST]

Subscribe to Oneindia Tamil

சென்னை: மோடியின் காக்கா என்று பெயரிடப்பட்டுள்ள வீடியோ வாட்ஸ்ஆப்பில் தீயாக பரவி வருகிறது.

பிரதமர் நரேந்திர மோடி நம் நாட்டை நாம் சுத்தமாக வைத்துக் கொள்வது நம் கடமை என்று கூறி காந்தி ஜெயந்தி அன்று சுத்தமான இந்தியா திட்டத்தை அறிமுகப்படுத்தி வைத்தார். அன்றைய தினம் அவர் துடைப்பத்தை எடுத்து ஒரு இடத்தை கூட்டி சுத்தம் செய்தார். இதையடுத்து அவர் கமல் ஹாஸன் உள்ளிட்ட பிரபலங்களுக்கு சுத்தமான இந்தியா சவால் விடுத்தார்.

அவர்களும் சவாலை ஏற்று துடைப்பத்தை கையில் எடுத்தனர். சுத்தமான இந்தியா சவாலை எந்த பிரபலம் ஏற்றாலும் அதற்காக நன்றி தெரிவித்து அவரை பாராட்டி மோடி ட்வீட் செய்து வருகிறார்.

இந்நிலையில் வாட்ஸ்ஆப்பில் மோடியின் காக்கா என்ற வீடியோ தீயாக பரவி வருகிறது.

அந்த வீடியோவில் காக்கா ஒன்று மக்கள் கீழே வீசிச் சென்ற குப்பையை பொறுக்கி அருகில் உள்ள குப்பைத் தொட்டியில் போடுகிறது. மோடியின் சுத்தமான இந்தியா சவாலை காக்கா கூட ஏற்று செயல்பட்டுள்ளது. அதனால் தான் வீடியோவுக்கு மோடியின் காக்கா என்று பெயர் வைத்துள்ளார்கள் போன்று.

Published On January 29, 2015