சீட் தராத அதிமுக கூட்டணியில் இருந்து மூவேந்தர் முன்னணி கழகம் விலகியது: சேதுராமன்

சென்னை: அதிமுகவுடன் கூட்டணி இல்லை என்று மூவேந்தர் முன்னணி கழகத் தலைவர் சேதுராமன் தெரிவித்துள்ளார்.

அதிமுக கூட்டணியில் இடம்பெறுவதற்காக ஜெயலலிதாவை சமீபத்தில் சந்தித்து பேச்சுவார்த்தை நடத்தியிருந்தார் சேதுராமன். இந்நிலையில், ஜெயலலிதா வெளியிட்ட வேட்பாளர் பட்டியலில் மூவேந்தர் முன்னணி கழகத்திற்கு இடம் தரப்படவில்லை.

இதுகுறித்து இன்று பேட்டியளித்த சேதுராமன், அதிமுகவுடன் கூட்டணி அமைக்கப்போவதில்லை. திமுக, பாமகவுடனும் கூட்டணி அமைக்க வாய்ப்பு இல்லை. வேறு எந்த கட்சியோடு கூட்டணி வைப்பது என்பது குறித்து பின்னர் முடிவு செய்யப்படும்.

கடைசிவரை நம்பிக்கையோடு இருந்தும், மூவேந்தர் முன்னணிக்கு அதிமுக கூட்டணியில் வாய்ப்பு கிடைக்கவில்லை. இவ்வாறு சேதுராமன் தெரிவித்தார்.

English summary

Sethuraman of Akila Indiya Moovendar Munnani Kazhagam says he won't to be part of Aiadmk alliance as Jayalalitha refused to allot seats.