வாக்காளர்கள் விரும்பும் 2வது கட்சி எது? புதிய தலைமுறை கருத்து கணிப்பில் சுவாரசியம்

சென்னை: தமிழக சட்டசபை தேர்தலை முன்னிட்டு ஊடகங்களில் கருத்துக்கணிப்புகள் வெளியாகி வருகின்றன. புதிய தலைமுறை தொலைக்காட்சியும், ஏபிடி நிறுவனமும் இணைந்து மக்களின் நாடிக்கணிப்பு 2016 என்று மாபெரும் சர்வே ஒன்றை நடத்தியுள்ளன.

உங்கள் ஆதரவு பட்டியலில் 2-வது இடத்தில் இருக்கும் கட்சி எது? என்ற கேள்விக்கு, அதிமுக என்று 14.70% பேரும், தெரியாது என 22.14% பேரும், திமுக என 19.83% பேரும், தேமுதிக என 15.12% பேரும் ஆதரவு அளித்துள்ளனர்.

பாமகவுக்கு 8.01% மக்களும் பாஜகவுக்கு 5.43% மக்களும், நாம் தமிழர் கட்சிக்கு 4.21% பேரும் ஆதரவு அளித்துள்ளனர்.

இந்த கேள்விக்கான விளக்கம் இதுதான்: திமுகவுக்கு வாக்களிக்க விரும்பும் ஒருவர் அதை தவிர்த்தால், அடுத்ததாக எந்த கட்சிக்கு வாக்களிக்க விரும்புவார் என்பதுதான் இந்த கேள்வி. இதில் திமுக என்பதற்கு பதிலாக அவர் வாக்களிக்க விரும்பும் எந்த கட்சியை வேண்டுமானாலும் வைத்து நிரப்பிக்கொள்ளலாம்.

உதாரணத்திற்கு கருணாநிதி தனது கட்சியான திமுகவுக்குதான் வாக்களிக்க விரும்புவார். ஆனால் அதை தவிர்த்து வேறு எந்த ஒரு கட்சிக்கு அடுத்த ஆதரவை தருவார் என்று அவரிடம் கேட்டால் அவர் என்ன பதில் சொல்வாரோ அதுதான் இந்த வாக்காளர்களின் பதிலும் கூட. அதிமுக, திமுகவுக்கு அடுத்தபடியாக, அதிக மக்கள் தேமுதிகவுக்கு வாக்களிப்பதாக கூறியுள்ளது குறிப்பிடத்தக்கது.

English summary

Most voters don't know what is their next option to vote, says an opinion poll.