இசையமைப்பாளர் எம்.எஸ்.விஸ்வநாதன் மருத்துவமனையில் அனுமதி..பிறந்த நாளில் உடல்நலக் கோளாறு..

சென்னை : பழம்பெரும் தமிழ்த் திரைப்பட இசையமைப்பாளர் எம்.எஸ்.விஸ்வநாதன் மூச்சுத்திணறல் காரணமாக தனியார் மருத்துவமனையில் அனுமதிக்கப்பட்டார். அவருக்கு மருத்துவர்கள் சிகிச்சை அளித்தனர்.

எம்.எஸ்.விஸ்வநாதனுக்கு சில ஆண்டுகளுக்கு முன்பு, இருதய அறுவை சிகிச்சை நடைபெற்றது.

அதன்பிறகு அவர் பூரண குணம் அடைந்து பல்வேறு நிகழ்ச்சிகளில் கலந்து கொண்டார். நேற்று அவருக்கு 86 வயது நிறைவடைந்து 87-வது வயது பிறந்தது.

இந்நிலையில் மூச்சுத்திணறல் காரணமாக அவர் நேற்று சென்னையில் உள்ள ஒரு தனியார் மருத்துவமனையில் அனுமதிக்கப்பட்டார். வழக்கமான உடல் பரிசோதனைக்காகவே மருத்துவமனையில் அனுமதிக்கப்பட்டதாக அவருடைய மகன் கோபி தெரிவித்தார்.

English summary

MS.Viswanathan has admitted in Chennai Private Hospital. His Son said it's a Routine checkup