நாம் தமிழர் கட்சியின் அதிகாரப்பூர்வ மாதம் இருமுறை இதழ் 'எங்கள் தேசம்' வெளியீடு!

சென்னை: இயக்குநர் சீமான் தலைமையிலான நாம் தமிழர் கட்சியின் அதிகாரப்பூர்வ மாதம் இருமுறை இதழான "எங்கள் தேசம்" சென்னையில் வெளியிடப்பட்டது.

திரைப்பட இயக்குநர் சீமான் முதலில் 'நாம் தமிழர்' என்ற இயக்கத்தைத் தொடங்கினார். பின்னர் அதை தேர்தலில் போட்டியிடும் வகையில் 'நாம் தமிழர் கட்சி'யாக மாற்றினார்.

இக்கட்சி 2016 ஆம் ஆண்டு சட்டசபை தேர்தலில் தமிழகத்தில் உள்ள 234 தொகுதிகளிலும் எந்த கட்சியுடனும் கூட்டணி இல்லாமல் தனித்தே போட்டியிடுக்கிறது.

இக்கட்சியின் சார்பாக தற்போது மாதம் இரு முறை வெளியாகக் கூடிய "எங்கள் தேசம்" என்ற இதழ் அதிகாரப்பூர்வமாக வெளியிடப்பட்டுள்ளது.

நாம் தமிழர் கட்சியின் தலைமை ஒருங்கிணைப்பாளரான சீமானை ஆசிரியராகக் கொண்டு வெளியாகி உள்ள "எங்கள் தேசம்" இதழ் வெளியீட்டு விழா சென்னை வடபழனியில் உள்ள ஆர்.கே.வி.அரங்கத்தில் கடந்த 13-ந் தேதி நடைபெற்றது.

'எங்கள் தேசம்' முதல் இதழை நடிகர் சத்யராஜ் வெளியிட எழுத்தாளர் ச.இராமகிருஷ்ணன் பெற்றுக்கொண்டார். இந்நிகழ்வில் ஏராளமான நாம் தமிழர் கட்சி நிர்வாகிகள் கலந்து கொண்டனர்.

English summary

Director Seeman's Naam Thamizhar party launched the party's official mouth piece 'Engal Thesam' on Friday.