பொருளாளர் பதவி: 1493 வாக்குகள் பெற்று கார்த்தி வெற்றி!

சென்னை: நடிகர் சங்கத்துக்கு இன்று நடந்த தேர்தலில் பொருளாளர் பதவிக்குப் போட்டியிட்ட நடிகர் கார்த்தி 1493 வாக்குகள் பெற்று வெற்றிப் பெற்றார்.

அவரை எதிர்த்துப் போட்டியிட்ட எஸ்எஸ்ஆர் கண்ணன் 1080 வாக்குகள் பெற்று தோல்வியடைந்தார்.

இந்தத் தேர்தலில் சரத்குமார் அணியை எதிர்த்து மாற்றம் வேண்டும் என்ற கோஷத்துடன் களமிறங்கிய விஷாலுக்கு, பின்னணியிலிருந்து செயல்பட்டவர் கார்த்தி.

தேர்தல் பிரச்சாரத்துக்கான பல உதவிகளைச் செய்தவர் கார்த்தி. தமிழகம் முழுவதும் விஷாலுடன் பயணம் செய்து வாக்கு சேகரித்தார்.

இன்று தேர்தல் முடிந்து வாக்குகள் எண்ணப்பட்டதும், முதலில் ரொம்பவே பின்தங்கி இருந்தார். ஆனால் நேரடி வாக்குகள் எண்ணப்பட்டதும் கார்த்தி விறுவிறுவென முன்னணிக்கு வந்தார்.

இறுதியில் அவர் 1493 வாக்குகள் பெற்று வெற்றிப் பெற்றார். அவரை எதிர்த்துப் போட்டியிட்ட எஸ்எஸ்ஆர் கண்ணன் 1080 வாக்குகள் பெற்று தோல்வியைத் தழுவினார். 413 வாக்குகள் வித்தியாசத்தில் கார்த்தி வென்றார்.

English summary

Actor Karthi has won in the Nadigar Sangam treasurer election by 413 votes.