நாகை தொகுதி திமுக வேட்பாளர் ஏ.கே.எஸ்.விஜயன்: வெற்றித் திருமகன்

நாகை: நாகை தொகுதியில் மக்களிடம் நன்கு அறிமுகம் கொண்ட ஏ.கே.எஸ். விஜயனை திமுக தற்போது வேட்பாளராக அறிவித்துள்ளது.

வரும் நாடாளுமன்ற தேர்தலில் நாகையில் விவசாயியான ஏ.கே. எஸ். விஜயன் போட்டியிடுகிறார். அவர் 1961ம் ஆண்டு டிசம்பர் மாதம் 15ம் தேதி பிறந்தார். அவருக்கு சொந்த ஊர் மன்னார்குடி அருகே உள்ள சித்தமல்லி கிராமம் ஆகும். அவர் பி.ஏ. படித்துள்ளார்.

1990ம் ஆண்டு கோட்டூர் கிளை செயலாளராக திமுகவில் அடியெடுத்து வைத்தார். அடுத்த ஆண்டே அதாவது 1991ல் கோட்டூர் ஒன்றிய துணைச் செயலாளராக பதவி உயர்வு பெற்றார். 1996ம் ஆண்டு ஒன்றிய பொறுப்பாளராகவும், 1999ம் ஆண்டு திமுக நாகை மாவட்டச் செயலாளராக உயர்ந்தார்.

கடந்த 1999, 2004, 2009 ஆகிய ஆண்டுகளில் நடந்த நாடாளுமன்ற தேர்தல்களில் தொடர்ந்து மூன்று முறை வெற்றிக் கனியை பறித்தவர் என்ற பெருமையை பெற்றவர்.

அவருக்கு ஜோதி என்ற மனைவி உள்ளார்.

English summary

Nagapattinam DMK candidate AKS Vijayan has tasted victory thrice and that too continuously in the parliament elections held in 1999, 2004 and 2009.