திராவிட நாடு கோரிக்கையில் உடன்பாடு இல்லை- நடிகை நக்மா அதிரடி! #dravidanadu

மாட்டிறைச்சிக்கு எதிராக தனி திராவிட நாடு கோரிக்கையை முன்வைப்பதில் உடன்பாடு இல்லை என்கிறார் நடிகை நக்மா.

By Mathi

Published: Monday, May 29, 2017, 11:37 [IST]

சென்னை: மாட்டிறைச்சிக்கு எதிராக தென்னிந்திய மாநிலங்களை உள்ளடக்கிய தனி திராவிட நாடு கோரிக்கையை முன்வைப்பதில் தமக்கு உடன்பாடு இல்லை என காங்கிரஸ் கட்சியின் அகில இந்திய மகளிர் அணி பொதுச் செயலாளர் நடிகை நக்மா தெரிவித்துள்ளார்.

மாட்டிறைச்சிக்கு மத்திய அரசு விதித்த தடைக்கு எதிராக சமூக வலைதளங்களில் படுதீவிர விவாதம் நடைபெறுகிறது. அதுவும் #Dravidanadu என்ற ஹேஷ்டேக்குடன் ட்விட்டரில் அனல் தெறிக்கிறது.

நெட்டிசன்களின் பேசுபொருளாக இருந்த இந்த தனி திராவிட நாடு கோஷம் இப்போது அரசியல் களத்துக்கும் நகர்ந்துள்ளது. இந்த தனி நாடு கோஷத்தை தாம் எதிர்ப்பதாக காங்கிரஸ் கட்சியின் சசி தரூர் தெரிவித்துள்ளார்.

அவருக்கு எதிராக நெட்டிசன்கள் பொங்கி வருகின்றனர். இந்நிலையில் திராவிட நாடு கோரிக்கையில் தமக்கு உடன்பாடு இல்லை என காங்கிரஸ் கட்சியின் அகில இந்திய மகளிர் அணி பொதுச்செயலர் நடிகை நக்மா தெரிவித்துள்ளார்.

மேலும் நாட்டு மக்கள் அனைவரும் ஒருங்கிணைந்துதான் மாட்டிறைச்சிக்கு எதிராக போராட வேண்டும்... தனிநாடு கோருவதில் தமக்கு உடன்பாடே கிடையாது என அடித்துச் சொல்லியிருக்கிறார் நடிகை நக்மா. அவருக்கு எதிராகவும் நெட்டிசன்கள் பொங்க தொடங்கியுள்ளனர்.