திமுகவின் ‘பிரச்சார பீரங்கி’ நாகூர் ஹனீபாவின் இழப்பு பேரிழப்பாகும்: ஸ்டாலின் இரங்கல்

சென்னை: மறைந்த நாகூர் ஹனீபாவின் உடலுக்கு திமுக தலைவர் கருணாநிதி, அக்கட்சியின் பொருளாளர் மு.க.ஸ்டாலின் ஆகியோர் நேரில் அஞ்சலி செலுத்தினார்.

உடல்நலக் குறைவு காரணமாக பிரபல பாடகர் நாகூர் ஹனீபா( 96) சென்னையில் நேற்று காலமானார். சென்னை கோட்டூர்புரத்தில் உள்ள அவரது இல்லத்தில், அவரது உயிர் பிரிந்தது.

திராவிட முன்னேற்றக் கழகத்தின் பிரசார பாடகராக ஹனீபா பாடிய பாடல்கள் காலத்தால் அழியாதவை.

இந்நிலையில், நாகூர் ஹனீபா உடலுக்கு திமுக தலைவர் கருணாநிதி மற்றும் திமுக பொருளாளர் மு.க.ஸ்டாலின் இருவரும் நேரில் அஞ்சலி செலுத்தினர்.

பின்னர் செய்தியாளர்களிடம் பேசிய ஸ்டாலின், ‘'இசைபிரச்சாரத்தின் மூலம் திமுகவின் பிரச்சார பீரங்கியாக திகழ்ந்தவர் நாகூர் ஹனீபா. நாகூர் ஹனீபாவின் இழப்பு பேரிழப்பாகும். நாகூர் ஹனீபாவின் குடும்பத்திற்கு திமுக பாதுகாப்பாக இருக்கும்'' என்றார்.

English summary

Noted singer Nagore E,M. Hanifa, whose stentorian voice transcended religious lines, died here on Wednesday. DMK leader M. Karunanidhi, along with party treasurer M.K. Stalin, visited his home in Chennai and paid their last respects. “Our leader broke down as he was a close friend since the inception of the DMK,” said Mr. Stalin.