தொடரும் ஆலோசனை: ஒரே வாரத்தில் கட்சிப் பெயர் ரெடியாகி விடும்.. ஜி.கே.வாசன்
சென்னை: இன்னும் ஒரு வாரத்தில் எங்களது கட்சியின் பெயர் தயாராகி விடும். அதன் பின்னர் அறிவிக்கப்படும் என்று ஜி.கே.வாசன் கூறியுள்ளார்.
சென்னை ஆழ்வார்ப்பேட்டையில் உள்ள ஜி.கே.வாசன் வீடு, அவரது ஆதரவாளர்களால் தினசரி அலை மோதிக் கொண்டிருக்கிறது. தனது ஆதரவாளர்களுடன் தொடர்ந்து ஆலோசனை நடத்தி வருகிறார் வாசன்.
இன்றும், தனது இல்லத்தில், முன்னாள் இளைஞர் மற்றும் மாணவர் அணியினருடன் ஜி.கே.வாசன் ஆலோசனையில் ஈடுபட்டார். இதில் பீட்டர் அல்போன்ஸ் பங்கேற்றார்.
பின்னர் ஜி.கே.வாசன் செய்தியாளர்களிடம் பேசுகையில், மாணவர்கள் அதிக அளவில் சேர்க்கப்படுவதால் புதிய கட்சி பலப்படும். புதிய கட்சியின் பெயர் ஒருவாரத்தில் முடிவு செய்து அறிவிக்கப்படும்.
தேர்தல் ஆணையத்தில் கட்சியின் பெயர் பதிவு செய்யப்பட்ட பின்னர் அறிவிக்கப்படும். திருச்சியில் நடைபெறும் மாநாட்டிற்கான தேதி இம்மாத இறுதிக்குள் அறிவிக்கப்படும் என்றார் வாசன்.
Click it and Unblock the Notifications
Sign in with Google