அதிமுகவில் சேர்ந்த கையோடு நமீதாவுக்கு ரசிகர்கள் சூட்டிய பட்டப் பெயர்கள்!

அதிமுகவில் சேர்ந்து அரசியல் பணியாற்றப் போகும் நமீதாவுக்கு, அவர் சேர்ந்த முதல் நாளே ரசிகர்கள் ஏகப்பட்ட பட்டப் பெயர்களைச் சூட்டி மகிழ்ந்துள்ளனர்.

நடிகை நமீதா கடந்த சனிக்கிழமையன்று முதல்வர் ஜெயலலிதா முன்னிலையில் அதிமுகவில் சேர்ந்தார். அவருக்கு உறுப்பினர் அட்டை கொடுத்து கட்சிக்குள் சேர்த்துக் கொண்ட ஜெயலலிதா, அடுத்து தேர்தல் பிரச்சாரத்துக்கு அனுப்பவிருக்கிறார்.

கட்சியில் சேர்ந்த நமீதாவை, ரத்தத்தின் ரத்தங்கள் அவரவர் தொகுதிக்கு பிரச்சாரத்துக்கு அழைத்து வருகின்றனர்.

இந்த நிலையில், நமீதாவுக்கு புதுப்புது பட்டப் பெயர்களைச் சூட்டி பேனர் வைக்க ஆரம்பித்துள்ளனர்.

ஒரு ரசிகர் அவருக்கு மக்கள் தலைவி என்று பெயர் சூட்டி, தமிழகத்தில் அரசியல் பணி செய்ய வருமாறு அழைப்பு விடுத்துள்ளார்.

இன்னொரு ரசிகர் சின்னம்மா என்று சமூக வலைத்தளத்தில் பட்டப் பெயர் சூட்ட, அதற்கு இன்னொரு ரசிகர் சின்னம்மா ஏற்கெனவே இருக்காங்க... இவங்களுக்கு குட்டி அம்மா என்று பெயர் வைக்கலாம் என பரிந்துரைத்தார்.

அதிமுகவினரோ நமீதாவை, 'அம்மா தந்த புதிய தாரகையே வருக' என வரவேற்க ஆரம்பித்துள்ளனர்.

English summary

The AIADMK cadres and fans celebrate actress Namitha's admission in the Party with giving new titles to the actress.