ஜெயலலிதா முன்னிலையில் அதிமுகவில் இணைந்தார் நடிகை நமீதா

By Shankar

Updated: Sunday, April 24, 2016, 10:03 [IST]

Subscribe to Oneindia Tamil

திருச்சி: அதிமுக பொதுச் செயலாளரும் முதல்வருமான ஜெயலலிதா முன்னிலையில் நடிகை நமீதா இன்று அக்கட்சியில் இணைந்தார்.

நடிகை நமீதா அதிமுகவில் இணைய விரும்பி எழுதிய கடிதம் இன்று வெளியாகி பரபரப்பைக் கிளப்பியது. அவர் எப்போது இணையப் போகிறார், இதற்கு முதல்வர் ஜெயலலிதா ஒப்புக் கொண்டாரா போன்ற கேள்விகளுக்கு இப்போது விடை கிடைத்துள்ளது.

திருச்சி பொன்மலை ஜி கார்னரில் அதிமுக தேர்தல் பிரச்சார பொதுக் கூட்டத்தில் முதல்வர் ஜெயலலிதா முன்னிலையில் அவர் அதிமுகவில் இணைந்தார். முதல்வர் ஜெயலலிதா அவருக்கு மேடையிலேயே அதிமுக உறுப்பினர் அட்டையை வழங்கினார்.

அதிமுகவில் சேர்ந்த கையோடு அவர் இந்தத் தேர்தலில் அக்கட்சியை ஆதரித்து சூறாவளிப் பயணம் மேற்கொள்ளத் திட்டமிட்டுள்ளதாகவும் தெரிகிறது. ஆக, இனி அதிமுக மேடைகளில் சுவாரஸ்யத்துக்குப் பஞ்சமிருக்காது!

நமீதாவை தொடர்ந்து திரைப்பட நடிகர் அனுமோகன், இயக்குநர் சக்தி சிதம்பரம் உள்ளிட்டோர் அதிமுகவில் தங்களை உறுப்பினர்களாக இணைத்து கொண்டன்ர். அவர்களுக்கும் அதிமுக உறுப்பினர் அட்டையை ஜெயலலிதா வழங்கினார்.