நாங்குநேரி, விக்கிரவாண்டி இடைத்தேர்தல் முடிவுகள் 2019 LIVE: நாங்குநேரியையும் கைப்பற்றியது அதிமுக!

நடந்து முடிந்த விக்கிரவாண்டி மற்றும் நாங்குநேரி தொகுதி சட்டசபை இடைத்தேர்தலுக்கான வாக்கு எண்ணிக்கை இன்று நடைபெறுகிறது.

சென்னை: கடந்த திங்கள் கிழமை நடந்து முடிந்த விக்கிரவாண்டி மற்றும் நாங்குநேரி தொகுதி சட்டசபை இடைத்தேர்தலுக்கான வாக்கு எண்ணிக்கை இன்று நடைபெறுகிறது. காலை 9 மணி அளவில் முன்னணி நிலவரங்கள் தெரிய வரும்.

நாடு முழுக்க மகாராஷ்டிரா மற்றும் ஹரியானா தேர்தல் முடிவுகள் பெரும் எதிர்பார்ப்பை ஏற்படுத்தி உள்ளது. அதே சமயம் தமிழகத்தில் நாங்குநேரி, விக்கிரவாண்டி தொகுதிகளுக்கான இடைத்தேர்தல் முடிவுகள் அதிக எதிர்பார்ப்பை தூண்டி உள்ளது. நாங்குநேரியில், அதிமுக சார்பில் ரெட்டியார்பட்டி நாராயணன், போட்டியிட்டார். திமுக கூட்டணியிலுள்ள காங்கிரஸ் சார்பில் ரூபி மனோகரன் களமிறக்கிவிடப்பட்டார்.

நாங்குநேரியில் 62% வாக்குகள் பதிவாகி உள்ளது. விக்கிரவாண்டி தொகுதியில், திமுக வேட்பாளராக நா.புகழேந்தியும், அதிமுக வேட்பாளராக, முத்தமிழ்ச்செல்வன் போட்டியிட்டனர். விக்கிரவாண்டியில் 76% வாக்குகள் பதிவாகி உள்ளது. இதற்கான முடிவுகள் இன்று அறிவிக்கப்பட உள்ளது. தேர்தல் தொடர்பான நொடிக்கு நொடி செய்திகளுக்கு ஒன்இந்தியாவுடன் இணைந்திருங்கள்!

English summary

Nanguneri, Vikravandi By Election Results 2019 LIVE: DMK or AIADMK? Who will grab the 2 more seats in Tamilnadu?