'அம்மா' உரையை கேட்பதற்காக வெயிலில் செத்து மடிய தயார்: நாஞ்சில் சம்பத் சர்ச்சை பேட்டி

By Veera Kumar

Published: Tuesday, April 26, 2016, 14:56 [IST]

Subscribe to Oneindia Tamil

சென்னை: ஜெயலலிதாவின் பொதுக்கூட்ட உரையை கேட்பதற்காக, வெயிலில் வெந்து மடிய நான் கூட தயார்தான் என்று அதிமுக கட்சியை சேர்ந்த நாஞ்சில் சம்பத் தெரிவித்துள்ளார்.

தமிழ் தொலைக்காட்சி சானல் ஒன்றுக்கு நாஞ்சில் சம்பத் அளித்த சிறப்பு பேட்டியில் இவ்வாறு அவர் கூறியுள்ளார்.

மழை வெள்ளத்தால் மக்கள் உயிரிழந்த நிலையில், ஆட்சியை தூக்கிப்பிடித்து, சர்ச்சைக்குறிய கருத்துக்களை பேசி வந்ததால், அதிமுக துணை கொள்கை பரப்பு செயலாளர் பதவியில் இருந்து கடந்த ஜனவரி மாதம் ஜெயலலிதாவால், நீக்கப்பட்டவர்தான் நாஞ்சில் சம்பத்.

சர்ச்சை

தற்போது அதிமுக வேட்பாளர்களை ஆதரித்து பல பகுதிகளிலும் பேசி வருகிறார் சம்பத். தொலைக்காட்சி சானலுக்கு அளித்த பேட்டியிலும், ஜெயலலிதா பேச்சை கேட்பதற்காக வெயிலிலும் மடியலாம் என்ற பொருளில் அவர் பேசியுள்ளது சர்ச்சையை ஏற்படுத்தியுள்ளது.

போட்டியிடவில்லை

நீங்கள் ஏன் சட்டசபை தேர்தலில் போட்டியிடவில்லை என்ற கேள்விக்கு பதிலளித்துள்ள நாஞ்சில் சம்பத், "என்னுடைய பாத்திரம் இதுதான். சட்டமன்ற உறுப்பினராகி, ஒரு சிமிழுக்குள் அடங்கியிருப்பது என்னால் முடியாது. ஆகவே இயல்பாகவே நான் விரும்பவில்லை. எனது பன்முக தன்மை இதனால் பாழ்பட்டுவிடும்.

பெயர் கெட்டுவிடும்

எம்.பி., எம்.எல்.ஏ ஆனால், நாஞ்சில் சம்பத் என்ற சொல்லுக்கு இருக்கும் மரியாதைக்கு, ஆபத்து வந்துவிடுமோ என்று அஞ்சுகிறேன்" என்று தெரிவித்தார்.

ஷாக் பதில்

ஜெயலலிதா பொதுக்கூட்டத்திற்கு செல்லும் தொண்டர்கள் வெயில் கொடுமையால் உயிரிழப்பது குறித்து பாமக விமர்சனம் செய்துள்ளதே என்ற கேள்விக்கு நாஞ்சில் சம்பத் அளித்த பதில்தான் ஷாக் ரகம்.

பாமக மீது பாய்ச்சல்

நாஞ்சில் சம்பத் கூறியதாவது: "சித்ரா பவுர்ணமி அன்று, மாமல்லபுரத்தில், புகழ்பெற்ற வைணவ திருத்தலத்தின் உச்சியில் வன்னியர் சங்க கொடியை ஏற்றி, வடபுலத்தில் இருந்து வந்த ஒரு டிரைவர் உட்கார்ந்திருந்த நிலையில், அவர் மீது ஆசிட் பல்புகளை வீசி, 4 மாவட்டங்களில் மக்கள் இடம் பெயராத அளவுக்கு மக்களின் இயல்பு வாழ்க்கையை பாதிக்க செய்த மரம் வெட்டி தம்பிரான்கள், கீதா உபதேசம் செய்வதை நிறுத்திக்கொள்வது நல்லது.