மோடிதான் என்னைச் சந்திக்க விரும்பினார்! - விஜய்... எப்பூடி!!!
சென்னை: நரேந்திர மோடிதான் என்னைச் சந்திக்க வருமாறு அழைத்தார். அதனால்தான் அவரைச் சந்திக்கச் செல்கிறேன், என்று 'நானும் ரவுடிதான்' பாணியில் 'சந்திப்பு அரசியலுக்குள்' நுழைந்திருக்கும் விஜய் தெரிவித்தார்.
தேர்தல் நேரம் நெருங்க நெருங்க சினிமா நடிகர்கள் தலைவர்களைச் சந்திப்பதும், தலைவர்கள் வலுவான நட்சத்திரங்களைச் சந்திப்பதும் அதிகரித்து வருகிறது.
சில தினங்களுக்கு முன் ரஜினிகாந்தை பாஜக பிரதமர் வேட்பாளர் நரேந்திர மோடி சந்தித்தார். அதற்கும் முன்பே வைகோ சந்தித்து வாழ்த்துப் பெற்றார்.
இப்போது திடுமென்று நடிகர் விஜய்யும் கோதாவில் குதித்துள்ளார். நரேந்திர மோடியை இன்று அவர் கோவையில் சந்தித்து மரியாதை நிமித்தமாகப் பேசுகிறார்.
இந்தச் சந்திப்பு குறித்து விஜய் தாமாகவே அளித்துள்ள விளக்கம் இது:
நமது நாட்டின் முக்கிய தலைவர்களில் ஒருவரான மோடி என்னை சந்திக்க விரும்பினார். அந்த அழைப்பை நான் ஏற்றுக் கொண்டேன்.
அவரது அழைப்பைத் தொடர்ந்து மரியாதை நிமித்தமாக மட்டுமே அவரைச் சந்திக்கின்றேன்.
இந்த சந்திப்பு அரசியல் ரீதயானதல்ல, எனக்கு வேறு அரசியல் நோக்கமும் அல்ல என்பதைத் திட்டவட்டமாக தெரிவித்துக்கொள்கிறேன்.
-இவ்வாறு விஜய் தெரிவித்தார்.
Click it and Unblock the Notifications
Sign in with Google