நடிகர் சங்கத் தேர்தல்:தலைவர் பதவிக்கான தேர்தலில் சரத்குமாரை வீழ்த்தி வென்றார் 'விஷால் அணியின்' நாசர்

சென்னை: பெரும் பரபரப்பு, விறுவிறுப்புடன் நடந்த நடிகர் சங்கத் தேர்தலில் இப்போதைய தலைவர் சரத்குமார் தோல்வியைத் தழுவினார். அவரை எதிர்த்துப் போட்டியிட்ட நாசர் வெற்றிப் பெற்றார்.

நடிகர் சங்கத் தேர்தலில் சரத்குமாரை எதிர்த்து தலைவர் பதவிக்குப் போட்டியிட்டார் நடிகர் நாசர்.

ஆரம்பத்தில் தபால் வாக்குகள் எண்ணப்பட்ட போது இவர் பெரும் பின்னடைவில் இருந்தார்.

ஆனால் பின்னர் சென்னை வாக்குகள் எண்ணப்பட்டதும் நாசர் வேகமாக முன்னேறினார். அவர் 1334 வாக்குகள் பெற்றார். சரத்குமார் 1225 வாக்குகள் பெற்றார். 109 வாக்குகள் வித்தியாசத்தில் நாசர் வெற்றிப் பெற்றார்.

சுயேட்சையாகப் போட்டியிட்ட சிவசாமி 4 வாக்குகள் பெற்றார்.

English summary

actor Nasser has been won in Nadigar Sangam president post.