அழகிரியிடம் இருந்து கட்சியை கைப்பற்ற தான் ஸ்டாலின் சுற்றுப்பயணம்: அமைச்சர் நத்தம் விஸ்வநாதன்

By Siva

Updated: Tuesday, October 20, 2015, 12:15 [IST]

Subscribe to Oneindia Tamil

சென்னை: கட்சியை தனது சகோதரர் அழகிரியிடம் இருநந்து கைப்பற்றும் நோக்கத்தில் தான் திமுக பொருளாளர் மு.க. ஸ்டாலின் சுற்றுப்பயணம் மேற்கொண்டுள்ளதாக அமைச்சர் நத்தம் விஸ்வநாதன் தெரிவித்துள்ளார்.

திமுக பொருளாளர் மு.க. ஸ்டாலின் நமக்கு நாமே என்ற பெயரில் மாநிலம் முழுவதும் சுற்றுப்பயணம் மேற்கொண்டு வருகிறார். அவர் பொது மக்களை சந்தித்து பேசி அவர்களின் குறைகளை கேட்டறிந்து வருகிறார்.

இந்நிலையில் இது குறித்து தமிழக மின்சாரத் துறை அமைச்சர் நத்தம் விஸ்வநாதன் கூறுகையில்,

திமுகவில் குடும்பப் பகை உச்ச கட்டத்தை எட்டியுள்ளது. இந்நிலையில் தனது சகோதரர் அழகிரியிடம் இருந்து கட்சியை கைப்பற்றும் நோக்கத்தில் தான் ஸ்டாலின் சுற்றுப்பயணம் மேற்கொண்டுள்ளார். அவரின் பயணத்தால் மக்களுக்கு எந்தவித பயனும் இல்லை.

2016ம் ஆண்டு நடக்க உள்ள தமிழக சட்டசபை தேர்தலில் திமுக அடியோடு அழியும், அதிமுக தான் வெற்றி பெற்று மீண்டும் ஆட்சி அமைக்கும். ஊழல் கட்சியான திமுகவை மக்கள் நிராகரித்துள்ளனர் என்றார்.