ஜெ. போயஸ் தோட்டத்துக்கு வெளியே என்.டி.டி.வி செய்தியாளர்களை தாக்கிய அதிமுகவினர்!

சென்னை: ஜெயலலிதா மீதான சொத்துக் குவிப்பு வழக்கின் தீர்ப்பு நிலவரத்தை அவரது சென்னை போயஸ் தோட்டம் வீட்டில் இருந்து நேரடியாக ஒளிபரப்பு செய்து கொண்டிருந்த என்.டி.டிவி செய்தியாளர்களை அதிமுகவினர் கடுமையாகத் தாக்கியுள்ளனர்.

சென்னையில் நேற்று போயஸ் தோட்டத்தில் ஜெயலலிதா வீடு முன்பு காலை முதலே அதிமுகவினர் ஏராளமானோர் குவிந்திருந்தனர். அதைப் போலவே டிவி மீடியாக்களின் ஓபி வேன்களும் வரிசை கட்டி நிறுத்தப்பட்டிருந்தன.

காலையில் அதிமுகவினர் வெற்றி களிப்புடன் பட்டாசுகள், இனிப்புகளை வாங்கி வைத்திருந்தனர். அப்போது தீர்ப்பு நேரம் ஒத்திவைக்கப்பட்டதை புரிந்து கொள்ளாமல் ஜெயலலிதா விடுதலை செய்யப்பட்டதாகக் கருதி பட்டாசுகளை வெடித்தனர் அதிமுகவினர்..

<blockquote class="twitter-tweet blockquote" lang="en"><p>I &. <a href="https://twitter.com/ndtv">@ndtv</a> crew attacked outside Poes Garden this evening for reporting that <a href="https://twitter.com/hashtag/Jayalalithaa?src=hash">#Jayalalithaa</a> was going to jail & discussing possible successor</p>— Uma Sudhir (@umasudhir) <a href="https://twitter.com/umasudhir/status/515928707416866816">September 27, 2014</a></blockquote> <script async src="//platform.twitter.com/widgets.js" charset="utf-8"></script>

அதன் பின்னர் நேரம் நேரம் போகப் போக... ஜெயலலிதா குற்றவாளி என்று அறிவிக்கப்பட கொந்தளித்துப் போயினர் அதிமுகவினர்.. செய்தியாளர்களும் அங்கிருந்தபடியே டிவிக்களுக்கு நேரடியாக கள நிலவரத்தை தெரிவித்துக் கொண்டிருந்தனர்.

அப்போது என்.டி.டி.வி செய்தியாளர் உமாசுதிர், ஜெயலலிதா ஜெயிலுக்குப் போகிறார் என்று கூறி அவருக்கு பதில் யார் அடுத்த முதல்வர் என்ற விவாதம் பற்றியும் விவரித்துக் கொண்டிருந்தார்..

"ஜெயலலிதா ஜெயில்" என்ற வார்த்தைகளைக் கேட்டு கொந்தளித்துப் போன அதிமுகவினர் அந்த செய்தியாளரை சூழ்ந்து கொண்டு கேமிராக்களை பறிமுதல் செய்ய முயற்சித்ததுடன் அவர்களைத் தாக்கியிருக்கின்றனர். இதில் என்.டி.டி.வி ஒளிப்பதிவு உபகரணங்கள், ஓபி வேன் தாக்கப்பட்டுள்ளது.

அதிலும் பெண் நிருபர் என்பதாலோ என்னவோ அவரை சில பெண்களை விட்டு தாக்கினர் அதிமுகவினர். அடடா, என்ன ஒரு நேர்மை!

இதையடுத்து சக பத்திரிகையாளர்கள் என்.டி.டி.வி செய்தியாளர்களை மீட்டு பாதுகாப்பான இடத்துக்கு அழைத்துச் செல்ல பதற்றம் ஏற்பட்டுவிட்டது.

English summary

An NDTV team was attacked by AIADMK activists protesting after Chief Minister J Jayalalithaa's conviction in a corruption case today.