'குட்பை திமுக.. தமிழகத்தில் தாமரை ஆளட்டும்!'- நெப்போலியன் ரசிகர் மன்ற போஸ்டர்
குட்பை திமுக... தமிழகத்தில் தாமரை ஆளட்டும் என்று நடிகர் நெப்போலியன் ரசிகர் மன்றம் சார்பில் போஸ்டர்கள் அடிக்கப்பட்டுள்ளன.
இதுவரை திமுகவில் இருந்த நெப்போலியன், நாளை பாஜகவில் இணைகிறார். அவருடன் ஆயிரக்கணக்கான ஆதரவாளர்கள், ரசிகர்கள் பாஜகவில் இணைகின்றனர்.
பாஜக தலைமை அலுவலகமான கமலாலயத்தில், கட்சித் தலைவர் அமித் ஷா முன்னிலையில் அவர் பாஜகவில் இணைகிறார்.
முன்னதாக அவர் திமுக தலைவர் கருணாநிதி மற்றும் பொதுச் செயலாளர் அன்பழகனுக்கு தனது விலகல் கடிதத்தை அனுப்பி வைத்தார். அதில் தனக்கு ஆதரவு தந்த திமுக தலைவர், பொதுச் செயலாளர், பொருளாளர் ஆகியோருக்கு நன்றி தெரிவித்திருந்தார் நெப்போலியன்.
நெப்போலியன் பாஜகவில் இணையப் போவதையொட்டி, அவரது ரசிகர் மன்றத்தினர் 'தமிழகத்தில் தாமரை ஆளட்டும்' என்று போஸ்டர் அடித்து ஒட்டியுள்ளனர்.
இந்தப் போஸ்டர்களை பேஸ்புக்கில் வெளியிட்டு, குட்பை திமுக என்றும் குறிப்பிட்டுள்ளனர் நெப்போலியன் ரசிகர் மன்றத்தினர்.
Click it and Unblock the Notifications
Sign in with Google