நடிகர்கள் கிரிக்கெட்டுக்கு பதில், நடிகைகள் கபடி ஆடியிருந்தால் கூட்டம் வந்திருக்கும்! கலகல மீம்ஸ்

By Veera Kumar

Published: Thursday, April 21, 2016, 10:34 [IST]

Subscribe to Oneindia Tamil

சென்னை: நடிகர் சங்கத்திற்கு கட்டிடம் கட்டும் நோக்கில், சினிமா நடிகர்கள் பங்கேற்ற நட்சத்திர கிரிக்கெட் போட்டி பாக்க படு திராபையாக இருந்தது. சாலையோரத்தில் ஆடும் சிறுவர்களைவிட மோசமாக எதையோ ஆடிவிட்டு அதற்கு கிரிக்கெட் என்று பெயர் சூட்டியிருந்தனர் நடிகர்கள்.

ஓவருக்கு நடுவே வைடு பந்துகள் வீசப்படலாம்.. ஆனால் ஓவர்கள் எல்லாமே வைடாக இருந்தால் அதை பார்ப்பவர்களுக்கு எப்படி வயிறு எறியும் என்பதை நினைத்து பாருங்கள்.

இப்படி பாதிக்கப்பட்ட நெட்டிசன்கள் தங்கள் ஆதங்கத்தை கேலியாக கேலி சித்திரங்கள மூலம் வெளியிட்டு வருகிறார்கள். அப்படிப்பட்ட சமூக வலைத்தள மீம்ஸ்கள் சிலவற்றை இதில் பாருங்கள்.

படுத்தே விட்டாரய்யா

ஒரு திரைப்படத்தில் ஆட தெரியாதவர்களை அழைத்து வந்து இரு கிராமங்கள் நடுவே கிரிக்கெட் போட்டியை நடத்துவார்கள் சத்தியராஜ் மற்றும் வடிவேலு குரூப். அதில் ஒருவர் பிட்சில் படுத்து தூங்கிவிடுவார். அதுபோலத்தான் ஜெயம் ரவி ஆட்டம் இருந்ததாக கூறுகிறது இந்த மீம்.

கேலி டீம்

நடிகர் சங்க தேர்தலின்போது, எல்லோரையும் வசீகரித்த நாசர், விஷால் டீம், தற்போது, கிரிக்கெட் போட்டி மூலமாக எல்லோரிடமும் கேலிக்குள்ளாகியுள்ள டீமாக மாறியுள்ளதாக கூறுகிறது இந்த மீம்.

வரவு எட்டணா, செலவு பத்தணா

ரசிகர்கள் வருகை சொற்பமாக இருந்ததால், கிரவுண்டு வாடகைக்கு கொடுத்த பணம், சாப்பாடு அளித்த பணம் என வருவாயை விட செலவு அதிகமாக இருந்ததாக கேலி செய்கிறது இந்த மீம். டிவி உரிமை, ஸ்பான்சர்கள் மூலம், ரூ.13 கோடியை நடிகர் சங்கம் சேர்த்துவிட்டது தனிக்கதை.

கபடி, கபடி

நடிகர்களை கிரிக்கெட் ஆட விட்டதற்கு பதிலாக, நடிகைகளை கபடி ஆட விட்டிருந்தால் கூட்டம் அள்ளியிருக்கும் என்று நாட்டு நடப்பை கூறுகிறார் இந்த நெட்டிசன்.

குடிசையானாலும் பரவாயில்லை

கட்டிடம் கட்டலாம் என்று ஆசைப்பட்டால், வந்திருக்கும் கூட்டத்தைவைத்து குடிசையாக இருந்தாலும் பரவாயில்லை என்று கூறும் நிலையில்தான் நாசர் குழு இருப்பதாக படிக்காதவன் பட காமெடியை வைத்து கேலி செய்கிறது இந்த மீம்.