அதிமுக உறுப்பினர் அட்டையை புதுப்பித்த "ஃபிடல்.. சே".. நெட்டிசன்கள் கலகல கலாய்!

அதிமுக உறுப்பினர் அட்டையை புதுப்பித்த முதல்வர் பழனிச்சாமி, துணை முதல்வர் ஓ.பன்னீர் செல்வத்தை ஜாலியாக கலாய்த்து வருகின்றனர் சமூக வலைதளங்களில்.

சென்னை: அதிமுக உறுப்பினர் அட்டையை முதல்வர் எடப்பாடி பழனிச்சாமியும், துணை முதல்வர் ஓ.பன்னீர் செல்வமும் புதுப்பித்துள்ளனர். இதை வைத்து கலாய்த்து வருகின்றனர் நெட்டிசன்கள்.

அதிமுகவில் இணைந்த புதிய உறுப்பினர்களுக்கு அடையாள அட்டை வழங்கும் நிகழ்ச்சி சென்னை ராயப்பேட்டையில் உள்ள தலைமை அலுவலகத்தில் நடைபெற்றது. அப்போது பழைய உறுப்பினர்களும் தங்களின் உறுப்பினர் அட்டையை புதுப்பித்துக்கொண்டனர்.

கட்சியின் ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிச்சாமி ஆகியோரும் தங்களின் உறுப்பினர் கார்டுகளை புதுப்பித்துக்கொண்டனர்.

இதை வைத்து சமூக வலைதளங்களில் தமிழகத்தின் பிடல் காஸ்ட்ரோவும், சே குவராவும் தங்களது அதிமுக உறுப்பினர் அட்டையை புதுப்பித்துக் கொண்டனர் என்று கலாய்த்து வருகின்றனர்.

இதற்கு காரணம் இல்லாமல் இல்லை. சமீபத்தில் நடந்த நிகழ்ச்சியில் அமைச்சர் ஜெயக்குமார் பேசும்போது, சமூக வளர்ச்சிக்காக எதிரிகளை களமாடிய ஃபிடல் கேஸ்ட்ரோ, சேகுவேரா போல முதல்வர் எடப்பாடி பழனிச்சாமி மற்றும் துணை முதல்வர் ஓ.பன்னீர்செல்வம் ஆகியோர் உள்ளனர் என்று கூறியிருந்தார். இதை வைத்துத்தான் இந்த கலாய்!

English summary

Minister Jayakumar has said OPS and EPS are the Fidal castro and Che guvera of Tamilnadu. ADMK co ordinator OPS and Joint co ordinator Edappadi Palanisamy renewled their card. Its became viral on social media.