சரி சரி.. ரெண்டு பேரும் கிளம்புங்க.. ஊரு சுத்தமாகட்டும்... "சேர்த்து" செய்யும் நெட்டிசன்கள்!

சென்னை: என்னம்மா இப்படிப் பண்றீங்களேம்மா என்று திமுக கேட்டால் உடனே அதிமுக தரப்பிலிருந்து பதிலடி மீம் பாய்ந்து வருகிறது. இதைப் பார்தது நீங்க ரெண்டு பேரும் ஆணியே புடுங்க வேண்டாம் என்று இரண்டு பேரையும் சேர்த்து வைத்து செய்ய ஆரம்பித்து விட்டனர் நெட்டிசன்கள்.

இன்று காலை நாளிதழ்களில் கண் விழித்த அத்தனை மக்களையும் ஷாக் ஆக்கி விட்டது திமுகவின் மீம் (விளம்பரம் என்று சொல்வதை விட மீம் என்று சொல்வதுதான் சாலப்பொருத்தமாக இருக்கும்.. இப்போதைய சோஷியல் மீடிய காலத்தில்)

எல்லோரையும் போல இப்போது திமுகவும் அதிகாரப்பூர்வமாகவே மீம் போட்டு விளையாட விட்டது. இதற்கு கலவையான கருத்துக்களும் கலந்து கட்டி சோஷியல் மீடியாவில் வலம் வந்து கொண்டுள்ளன. பதிலுக்கு அதிமுக தரப்பிலும் பதிலடி மீம் வெளியானது.

5 வருஷத்துல முதல்வரைப் பாத்திருக்கீங்களா என்ற திமுகவின் மீமுக்குப் போட்டியாக 5 வருஷத்துல கருணாநிதியைப் பாத்திருக்கீங்களா என்று கேட்க அடுத்தடுத்து இரு தரப்பும் பதிலடியாக சரவெடியாக மாறி வெடிக்க ஆரம்பித்தன.

அடடா.. இவிங்களை வச்சு நாம மீம் போட்டா.. இப்ப இவங்களே மீம் போட ஆரம்பிச்சுட்ட நம்ம பொழப்பு என்னாகுறது என்று நெட்டிசன்கள் பலர் டென்ஷனாகி விட்டனர்.

இதையடுத்து இருவரையும் சேர்த்து வைத்து பல மீம்கள் கிளம்பி வருகின்றன. அதில் ஒன்று இது.

இன்னும் சிலர். அடடா இது லிஸ்ட்டுலேயே இல்லையே என்று திமுகவின் விளம்பரம் குறித்து ஆச்சரியம் காட்டியுள்ளனர்.

மொத்தத்தில் காமெடியாப் போச்சு.. இந்த தேர்தல் காலத்து கூத்து.. அய்யோ பாவம் மக்கள்!

English summary

Netizens have slammed both DMK and ADMK in Facebook on their memes.