'சேரி பிஹேவியர்'.... பிக்பாஸில் ஜாதி வெறியை கக்கிய காயத்ரி ரகுராம்- குவியும் கண்டனங்கள்!

பிக்பாஸ் நிகழ்ச்சியில் ஜாதிவெறியை கக்கிய காயத்ரி ரகுராமுக்கு சமூக வலைதளங்களில் கண்டனங்கள் தெரிவிக்கப்பட்டு வருகின்றன.

சென்னை: பிக்பாஸ் நிகழ்ச்சியில் ஜாதி வெறியை ஆக்ரோஷமாக கக்கிய காயத்ரி ரகுராமுக்கு கண்டனங்கள் வலுத்து வருகின்றன.

பிக்பாஸ் நிகழ்ச்சி வக்கிரங்களின் குவியலாக இருக்கிறது என்பது பொது விமர்சனம். இப்போது ஜாதிவெறியை ஆக்ரோஷ்மாக கக்கும் கேவலமும் அரங்கேறியுள்ளது.

இன்றைய பிக்பாஸ் நிகழ்ச்சியின் பிரமோவில், முகத்தை அகம்பாவமாக வைத்துக் கொண்டு 'சேரி பிஹேவியர்' என விஷத்தை கக்கியிருக்கிறார் காயத்ரி ரகுராம். அவரது இந்த விமர்சனத்துக்கு சமூக வலைதளங்களில் கண்டனங்கள் குவிந்து வருகின்றன.

கண்டனங்களில் சில....

சேரியைத்தான் திட்டுவீர்களா?

Kavin Malar: சேரி பிஹேவியர் என்று ஓவியாவைப் பார்த்து சொல்கிறார் காயத்ரி.
இது ஸ்கிரிப்டட் நிகழ்ச்சியா இல்லையா என்பதெல்லாம் ஒருபுறம் வைப்போம், இது எத்தகைய நிகழ்ச்சியாக இருந்தாலும் அதெப்படி ‘சேரி பிஹேவியர்' எனலாம்?
காயத்ரிக்கும், கமல்ஹாசனுக்கும், விஜய் டிவிக்கும் கடுமையான கண்டனங்கள்.
ஸ்கிரிப்ட் நிகழ்ச்சி என்றால் ஸ்கிரிப்ட் எழுதியவருக்கும், ஸ்கிரிப்டாக இருந்தாலும் அதைப் பேசி நடித்த காயத்ரிக்கும் கண்டனங்கள்.
இது டி.ஆர்.பி.க்காக செய்யப்படும் தந்திரம் என்றெல்லாம் சில நண்பர்கள் சொல்கிறார்கள். டி.ஆர்.பி.க்காக என்றாலும் சேரியைத்தான் திட்டுவீர்களா?

வழக்கு தொடர முடியுமா?

Dhana Sakthi with Kiruba Munusamy.: சேரி பிகேவியர் னு சொன்ன அந்த காயத்ரி மீது தீண்டாமை வன்கொடுமை சட்டத்தில் வழக்கு தொடுக்க முடியுமா கிருபா

தரம் தாழ்ந்து போகலாமா?

வெற்றி சங்கமித்ரா:
கமல்ஹாசன் காசுக்கு தரம் தாழ்ந்து போகலாமா ? சேரி பிகேவியர் (cheri behavior) என்று கிண்டலடிக்கும் பிக் பாஸ் நிகழ்ச்சிக்கு தொகுப்பாளராக தொடரலாமா ?

சேரி பிகேவியர் சரியே

ஸ்டாலின் தி: சேரி பிகேவியர்தான் சரியானது. சாதி ஆணவக்காரரான காயத்ரியை தொல்லைப்படுத்தும் சேரி பிகேவியர் ஓவியாவிடம் இருக்குமானால் அவருக்கு பாராட்டுகள்!

English summary

Netizens slammed the Bigboss Gayathri Raguram's comments.