போயஸ் தோட்டத்து 'ரியல் பவர் ஸ்டார்கள்'.. சசிகலாவை ஓரங்கட்டும் இளவரசி?

By Mathi

Published: Thursday, May 28, 2015, 14:42 [IST]

Subscribe to Oneindia Tamil

சென்னை: தமிழக முதல்வர் ஜெயலலிதாவின் போயஸ் தோட்டத்தில் சசிகலாவின் உறவினர்களில் இளம் ரத்தங்கள்தான் இப்போது கோலோச்சிக் கொண்டிருப்பதாக தகவல்கள் தெரிவிக்கின்றன.

சொத்துக் குவிப்பு வழக்கில் விடுதலையான ஜெயலலிதா மீண்டும் தமிழக முதல்வராக பதவியேற்றார். அவரது பதவியேற்பு விழாவில் முதல் வரிசையில் சூப்பர் ஸ்டார் ரஜினிகாந்த் அமர்ந்திருந்தாலும் சசிகலாவுக்கு அருகே அமர்ந்திருந்த இளம் பவர் ஸ்டார்கள் யார் என்பதுதான் படு சூடான விவாதமாக ஓடிக் கொண்டிருந்தது..

அவங்களா?

சசிகலாவுக்கு அருகே இருப்பவரைப் பார்த்தால் 'திவாகரன்' சாயல் இருக்கிறதே.. அதற்கு அடுத்து அமர்ந்திருப்பது 'இளவரசியின் மகளோ'

இல்லைங்க..இவங்கதான்..

இல்லை இல்லை. ரஜினிக்கு அருகே அமர்ந்திருப்பதுதான் இளவரசி குடும்பம்.. இல்லங்கை.. இளவரசி மகள், மகன் குடும்பம் அது.. இப்படித்தான் பட்டிமன்றம் களைகட்டி ஓடிக் கொண்டிருந்தது..

இளவரசி குடும்பம்?

இந்த நிலையில், சசிகலாவுக்கு அருகே அமர்ந்திருந்தது அவரது அண்ணன் சுந்தரவதனத்தின் மகள் பிரபாவதி மற்றும் அவரது கணவர் டாக்டர் சிவகுமார் என்றும் ஒரு தகவல். இவர்களுக்கு அடுத்ததாக கோட் போட்டு அமர்ந்திருந்தது டாக்டர் கார்த்திக்; அவருக்கு அருகில் இருந்தது இளவரசி மகள் பிரியாவும் அவரது கணவர் கார்த்திகேயனும் என்றும் ஒரு தகவல் கூறப்பட்டது. இந்த டாக்டர்கள் சிவகுமார், கார்த்திதான் ஜெயலலிதாவின் ஆஸ்தான மருத்துவர்கள் என்றும் தெரிவிக்கப்பட்டது.

"கவியரசு" பெயர் கொண்டவர் மகன்

ஆனால் இன்னொரு தரப்போ சசிகலாவுக்கு அருகே அமர்ந்தது இளவரசியின் 'கோ பிரதரின் மகன்'.. அவரது அப்பா "கவியரசுவின் பெயரைக் கொண்டவர்" எனவும் தமிழக அரசில் பணிபுரிவதாகவும் கூறுகிறது..

ஓங்கியதா இளவரசி கை?

அதே நேரத்தில் சசிகலாவுக்கு அருகே முதல் சூப்பர் ஸ்டார் ரஜினிகாந்த் வரையிலான நாற்காலியில் அமர்ந்திருந்தது அனைவருமே 'இளவரசி' குடும்பம்தான்.. இப்போது சசிகலாவை விட இளவரசியும் அவரது குடும்பத்தாரும்தான் போயஸ் தோட்டத்து ரியல் பவர் ஸ்டார்கள்..

ஆக இளம் ரத்தத்துடன் போயஸ் தோட்டத்து புதிய மன்னர்கள் கோலோச்சுகிறார்கள்!!

Published On May 28, 2015