தமிழக அமைச்சர்கள் பட்டியலில் ஆனந்தனுக்கு 25 வது இடம்... 2 வது இடத்தில் தொடர்ந்து ஓ.பன்னீர்செல்வம்

சென்னை : புதிய அமைச்சராக மீண்டும் பொறுப்பேற்றுள்ள எம்.எஸ்.எம்.ஆனந்தனுக்கு, அமைச்சரவையில், 25 ஆவது இடம் வழங்கப்பட்டுள்ளது.

வனத்துறை அமைச்சராக, கடந்த, 9 ஆம் தேதி, ஆனந்தன் பொறுப்பேற்றார். இதையடுத்து, அமைச்சர்களின் மூப்பு பட்டியலை, பொதுத்துறை வெளியிட்டுள்ளது.

புதிய பட்டியலின்படி, வழக்கம்போல் முதல்வர் ஜெயலலிதாவை தொடர்ந்து, அமைச்சர்கள் பன்னீர்செல்வம், நத்தம் விஸ்வநாதன், வைத்திலிங்கம், எடப்பாடி பழனிச்சாமி ஆகியோர் உள்ளனர்.

புதிய அமைச்சராக ஆனந்தன் பொறுப்பேற்பதற்கு முன், போக்குவரத்து துறை அமைச்சராக இருந்த செந்தில் பாலாஜி, 12 ஆம் இடத்தில் இருந்தார். அவர் அமைச்சரவையில் இருந்து, நீக்கப்பட்டதை தொடர்ந்து, வணிக வரித்துறை அமைச்சர் எம்.சி.சம்பத், 13 வது இடத்தில் இருந்து, 12 வது இடத்திற்கு முன்னேறி உள்ளார்.

அவருக்கு அடுத்தபடியாக இருந்த, அமைச்சர்கள் வேலுமணி, சின்னய்யா உட்பட, அனைவரும், பட்டியலில் ஒரு இடம் முன்னேறி உள்ளனர். புதிதாக அமைச்சரவையில் சேர்ந்த, ஆனந்தனுக்கு, 25 வது இடம் வழங்கப்பட்டுள்ளது. அவருக்கு அடுத்த இடத்தில், தோப்பு வெங்கடாசலம், பூனாட்சி, அப்துல் ரஹீம், விஜயபாஸ்கர் ஆகியோர் உள்ளனர்.

English summary

New minister MSM.Anandan got 25 th in all tamilnadu ministers list