அடுத்து 20, 60, 150 ரூபா காயின் தான்... இனி சுருக்கு பை தான் கரெக்ட்... !
பழைய 500 மற்றும் 1000 ரூபாய் நோட்டுகள் செல்லாது என்ற மத்திய அரசின் அதிகாரப்பூர்வ அறிவிப்பைத் தொடர்ந்து, சமூகவலைதளங்களில் போட்டோஷாப் முறையில் உருவாக்கப்பட்ட புதிய நாணயங்களின் படங்கள் வைரலாக பரவி வருகின
சென்னை: பழைய 500 மற்றும் 1000 ரூபாய் நோட்டுகள் செல்லாது என்ற மத்திய அரசின் அதிகாரப்பூர்வ அறிவிப்பைத் தொடர்ந்து நெட்டிசன்கள் தங்கள் கற்பனைக் குதிரையை போட்டோஷாப் உதவியுடன் இஷ்டத்திற்கு பறக்க விட்டுள்ளனர்.
கருப்பு பணத்தை அளிக்கும் முயற்சியாக, பழைய 500 மற்றும் 1000 ரூபாய் நோட்டுகள் செல்லாது என கடந்த செவ்வாயன்று இரவு பிரதமர் மோடி அறிவித்தார். அதோடு புதிய 500 மற்றும் 2000 நோட்டுகள் வெளியிடப்படும் என்றும் அறிவிக்கப்பட்டது.
மத்திய அரசின் இந்த அறிவிப்பைத் தொடர்ந்து நெட்டிசன்கள் ஒருபுறம் மீம்ஸ்களாக கலக்கிக் கொண்டிருக்க, மற்றொரு புறமோ போட்டோஷாப் உதவியுடன் சிலர் புதிய புதிய ரூபாய் நாணயங்களாக இணையத்தில் களமிறக்கிக் கொண்டிருக்கின்றனர்.
அப்படியாக சில புதிய நாணயங்கள் அறிவிக்கப்பட்டால் என்னென்ன பழைய நாணயங்கள் தடை செய்யப்படலாம் என்ற சின்ன கற்பனை...
1000 ரூபாய் காயின்...
பழைய 1000 ரூபாய் நோட்டு தடை செய்யப்பட்டு விட்ட நிலையில், அதற்குப் பதில் இந்த நாணயம் புழக்கத்திற்கு வரும் என அறிவிக்கப்படலாம்.
100 ரூபாய் காயின்...
பழைய 100 ரூபாய் நோட்டுகள் செல்லாது என அறிவித்து விட்டு, அதற்குப் பதில் இந்த நாணயங்களை அறிமுகப்படுத்தலாம்.
20 ரூபாய் காயின்...
ஏற்கனவே 1000 ரூபாய் நோட்டை செல்லாததாக்கி விட்டு, 2000 ரூபாய் நோட்டை அறிமுகப்படுத்தியது போல, பழைய 10 ரூபாய் நாணயங்களை செல்லாது என அறிவித்து விட்டு, இந்த 20 ரூபாய் நாணயங்களை அறிமுகப்படுத்தலாம்.
60 ரூபாய் காயின்...
50 ரூபாய் நோட்டை செல்லாததாக்கி விட்டு, அதற்குப் பதில் இந்த 60 ரூபாய் காயின் அறிமுகப்படுத்தப் படுகிறது என்ற அறிவிப்பு வரலாம்.
சுருக்கு பை தான் கரெக்ட்...
என்ன இப்படியாக நெட்டிசன்கள் ஆசைப்படி எல்லா ரூபாய் நோட்டுகளையும் ஒழித்து விட்டு, அதற்குப் பதில் எல்லாவற்றையும் நாணயங்களாக மாற்றி விட்டால், இனி யாரும் பர்ஸ் வைத்துக் கொள்ள முடியாது. அதற்குப் பதில் பழைய படி, பாட்டி சுருக்குப் பைக்கு மாறி விட வேண்டியது தான்.
Click it and Unblock the Notifications
Sign in with Google