இது விஸ்கியா இல்லை பிராந்தியா... டாஸ்மாக்கில் செம ரகளை சரக்கு...

Updated: Sunday, September 22, 2013, 13:38 [IST]

Subscribe to Oneindia Tamil

நாகர்கோவில்: டாஸ்மாக் கடைகளில் பிராந்தி சுவையுடன் புதிய வெளிநாட்டு விஸ்கியும், எக்ஸ்டரா லார்ஜ் தர முத்திரையுடன் புதிய பிராந்தியும் அறிமுகம் செய்யப்பட்டுள்ளன.

குடிமக்களுக்கு விதம் விதமாய் குடிக்கக் கொடுத்து குதூகலப்படுத்துகிறது தமிழக அரசு.

அந்த வகையில் டாஸ்மாக்கில் தற்போது புதிய வகை விஸ்கியையும், பிராந்தியையும் சரக்குகள் பட்டியலில் சேர்த்துள்ளனர்.

வீராய் பிராந்தி

டாஸ்மாக்கில் தற்போது வீராய் என்ற பெயரில் பிராந்தி அறிமுகம் செய்யப்பட்டுள்ளது. இதில் எக்ஸ்டரா லார்ஜ் என்ற தரப்பெயர் குறிப்பிடப்பட்டுள்ளது.

தரமும், போதையும் எக்ஸ்ட்ரா லார்ஜில்...

எக்ஸ்டரா லார்ஜ் என்றால் கொடுக்கும் பணத்திற்கு மிச்சமாக போதையும், தரமும் இருக்கும் என்பது பொருளாம்.

பிரான்ஸிலிருந்து...

பிராந்திக்கு பெயர் பெற்ற பிரான்ஸ் போனியாக் நகரிலிருந்து பிராந்திக்கான மூலப்பொருட்கள் வரவழைக்கப்பட்டு தயாரிக்கப்பட்டுள்ளது. தற்போது டாஸ்மாக் கடைகளில் 180 மில்லி கொண்ட பாட்டில்கள் ரூ.130க்கு விற்கப்படுகிறது.

பிராந்தி மனத்தில் விஸ்கி...

இதே போல் இந்தியன் சேலஞ்ச் என்ற பெயரில் புதிய விஸ்கியில் பிராந்தியின் மனமும், (மஞ்சளுக்கு பதில் பிஸ்கட் கலர்) விற்பனை செய்யப்படுகிறது. இது விஸ்கிக்கு பெயர் பெறற ஸ்காட்லாந்திலிருந்து பொருட்கள் வரவழைக்கப்பட்டு தயாரிக்கப்பட்டுள்ளது.

ஸ்காட்ச்சுக்கு நிகரானது

ஸ்காட்ச்சுக்கு நிகரான மது என்றாலும் இந்தியாவில் தயார் ஆவதால் இம்மது 180 மில்லி ரூ.140க்கு விற்பனை செய்யப்படுகிறது.

ஆப்பிள் வோட்கா.. சாக்லேட் வோட்கா

இதேபோல் வோட்காவில் ஆப்பிள், ஆரஞ்சு ஸ்ட்ரா பெரி ஆகிய நறுமணங்களை தொடர்ந்து சாக்லெட் மணத்துடன் கூடிய வோட்காவும் அறிமுகம் செய்யப்பட்டுள்ளது. மேஜிக் மூமேண்ட் என்ற பெயரில் அறிமுகம் ஆகி இருக்கும் இது 180 மில்லி ரூ.140க்கு விற்பனையாகிறது.

இது குடிகாரர்களை ரொம்பவே குஷிப்படுத்தும் வகையில் அமைந்துள்ளதாம்.