அதிமுக, திமுகவுக்கு மாற்று யாரும் இல்லை- அடித்து சொல்லும் ஒன் இந்தியா தமிழ் வாசகர்கள்
சென்னை: தமிழகத்தில் அதிமுக, திமுகவுக்கு மாற்று யாரும் இல்லை என ஒன் இந்தியா தமிழ் சர்வேயில் வாசகர்கள் அடித்து சொல்லியிருக்கின்றனர்.
ஒன் இந்தியா தமிழ் இணையதளத்தில் தமிழக கட்சிகளில் யாருக்கு எதிர்காலம் பிரகாசமாக இருப்பதாக நினைக்கிறீர்கள்? என்கிற ஒரு சர்வே நடத்தப்பட்டது. மொத்தம் 35,987 வாசகர்கள் பங்கேற்றனர்.
நோ மாற்று
இதில் திமுக - அதிமுகவுக்கு மாற்று கிடையாது என 11,428 பேர் தெரிவித்துள்ளனர். அதாவது மொத்தம் 31.76% பேர் இக்கருத்தை தெரிவித்துள்ளனர்.
நாம் தமிழர், பாஜக
இதற்கடுத்ததாக அடடே என ஆச்சரியமடையும் வகையில் நாம் தமிழர் கட்சிக்கு எதிர்காலம் பிரகாசமாக இருப்பதாக 9,009 (25.03%) பேர் கூறியுள்ளனர். பாரதிய ஜனதாவுக்கு எதிர்காலம் பிரகாசமாக இருப்பதாக 3,680 பேர் (10.23%) பதிவு செய்துள்ளனர்.
பாமக, தேமுதிக
பாமகவுக்கு ஆதரவாக 3,206 பேரும் (8.91%) தேமுதிகவுக்கு ஆதரவாக 1,502 பேரும் (4.17%) பதிவு செய்துள்ளனர். யாருக்குமே எதிர்காலம் கிடையாது என 4132 பேர் (11.48%) தெரிவித்திருப்பதும் குறிப்பிடத்தக்கது.
சமூக வலைதள ஆதரவு
சமூக வலைதளங்களில் நாம் தமிழர் கட்சியினர் அதிக அளவில் இருக்கின்றனர். இதே பாணியை தற்போது பாஜகவும் பின்பற்றி களமிறங்கியிருப்பதை இந்த சர்வே வெளிப்படுத்தியும் இருக்கிறது.