அனைத்துக் கட்சி கூட்டத்துக்கு தினகரனுக்கு அழைப்பு இல்லை

முதல்வர் தலைமையிலான அனைத்து கட்சி கூட்டத்தில் கலந்து கொள்ள டிடிவி தினகரனுக்கு அழைப்பில்லை.

சென்னை: காவிரி விவகாரம் தொடர்பாக இன்று முதல்வர் தலைமையிலான அனைத்துக் கட்சி கூட்டத்துக்கு டிடிவி தினகரனுக்கு அழைப்பு விடுக்கப்படவில்லை.

காவிரி விவகாரத்தில் காவிரி மேலாண்மை வாரியம் அமைப்பது உள்ளிட்ட விவகாரங்கள் சட்ட ஆலோசனை நடத்துவதற்காக முதல்வர் எடப்பாடி தலைமையில் இன்று அனைத்து கட்சி கூட்டம் நடைபெறுகிறது.

இதில் 43 அரசியல் மற்றும் விவசாய அமைப்புகளுக்கு அழைப்பு விடுக்கப்பட்டுள்ளது. நாம் தமிழர் கட்சி, சமத்துவ மக்கள் கட்சி உள்ளிட்ட கட்சிகளும் இதில் கலந்து கொள்கின்றன.

ஆனால் ஆர்கே நகர் தொகுதி எம்எல்ஏ டிடிவி தினகரன் சார்ந்த அணிக்கு இந்த கூட்டத்துக்கு அழைப்புவிடுக்கப்படவில்லை.

English summary

CM Edappadi Palanisamy convenes all party meeting today. For this there is no invitation for TTV Dinakaran.