இந்த '4' கட்சிகளுக்கு மட்டும் மக்கள் நலக் கூட்டணியில் இடம் இல்லை: முத்தரசன்

சென்னை: அதிமுக, திமுக, பாஜக, காங்கிரஸ் ஆகிய கட்சிகளுக்கு மக்கள் நலக் கூட்டணியில் இடம் இல்லை என்று இந்திய கம்யூனிஸ்ட் கட்சியின் மாநில செயலாளர் முத்தரசன் தெரிவித்துள்ளார்.

சென்னை வேளச்சேரியில் நடந்த பொதுக்கூட்டத்தில் மக்கள் நலக் கூட்டணி தலைவர்கள் கலந்து கொண்டு பேசினர். கூட்டத்தில் இந்திய கம்யூனிஸ்ட் கட்சியின் மாநில செயலாளர் முத்தரசன் உரையாற்றினார்.

அப்போது அவர் கூறுகையில்,

மக்கள் நலக் கூட்டணி என்பது மக்களுக்காக உருவாக்கப்பட்ட கூட்டணி. இந்த கூட்டணியில் அதிமுக, திமுக, பாஜக, காங்கிரஸ் ஆகிய கட்சிகளுக்கு இடம் இல்லை. ஊழல் இல்லா ஆட்சியை எங்கள் கூட்டணியால் தான் அளிக்க முடியும் என்றார்.

மக்கள் நலக் கூட்டணியில் உள்ள விடுதலை சிறுத்தைகள் கட்சி தலைவர் திருமாவளவன் செய்தியாளர்களுக்கு பேட்டி அளித்தார். அப்போது அவர் கூறுகையில்,

கூட்டணி தொடர்பாக தேமுதிக தலைவர் விஜயகாந்தை சந்தித்து பேசும் திட்டம் எதுவும் இல்லை. தேர்தலில் தனித்துப் போட்டியிடும் முடிவை விஜயகாந்த் மறுபரிசீலனை செய்ய வேண்டும்.

மக்கள் நலக் கூட்டணிக்கு வருமாறு விஜயகாந்திற்கு அழைப்பு விடுக்கப்பட்டுள்ளது என்றார்.

மக்கள் நலக் கூட்டணியில் உள்ள மதிமுக தலைவர் வைகோவும் விஜயகாந்தை தங்கள் கூட்டணிக்கு வருமாறு அழைப்பு விடுத்துள்ளார் என்பது குறிப்பிடத்தக்கது.

English summary

Makkal Nala Koottani leader Mutharsan said that ADMK, DMK, BJP, congress have no place in their team.