வெங்காயம் விலை மீண்டும் உயர்வு… கிலோ ரூ.80

சென்னை: வெங்காயம் விலை மீண்டும் கிலோ. 80 ரூபாய்க்கு விற்பனை செய்யப்படுவதால் ஏழை, நடுத்தர மக்கள் கடுமையாக பாதிக்கப்பட்டுள்ளனர்.

சமையலுக்கு அத்தியாவசிய பொருட்களில் ஒன்றான வெங்காயம் வரத்து குறைந்ததால் நாடு முழுவதும் வெங்கயம் விலை கிலோ 80 ரூபாய்க்கு மேல் விற்பனையானது.

இதனையடுத்து உரிக்காமலேயே கண்ணீரை வரவழைத்தது வெங்காயம். வெங்காய ஏற்றுமதிக்கு தடை விதிக்கப்பட்டது. வெளிநாடுகளில் இருந்து வெங்காயம் இறக்குமதி செய்யப்பட்டது.

இதனையடுத்து, வெங்காயம் விலை கிலோ 40 ரூபாய் வரை குறைந்தது. இதனால் வெங்காயத்தை ஓரளவு மக்கள் வாங்கத் தொடங்கினர்.

கடந்த சிலவாரங்களாக விலை குறைந்திருந்த வெங்காயம் மீண்டும் கிலோ தற்போது 80 ரூபாயை எட்டியுள்ளது.

டெல்லி, போபால், கான்பூர் உள்ளிட்ட இடங்களில் வெங்காயம் கிலோ 70 ரூபாய்க்கும், சென்னையில் கிலோ 60 ரூபாய்க்கும் விற்பனை செய்யப்படுகிறது.

வெங்காயம் விலை மீண்டும் உயர்ந்துள்ளதால் ஏழை, நடுத்தர மக்கள் கடுமையாக பாதிக்கப்பட்டுள்ளனர். கடந்த ஆகஸ்ட் மாதம் நாட்டின் பணவீக்கம் 6.1 சதவீதமாக உயர்ந்ததற்கு வெங்காயம் உள்ளிட்ட காய்கறிகளின் விலை உயர்வும் ஒரு முக்கிய காரணமாக கூறப்பட்டது குறிப்பிடத்தக்கது.

வெங்காயத்தின் விலை மேலும் அதிகரிக்கும் என்று வியாபாரிகள் தெரிவித்துள்ளனர்.

English summary

After some brief respite, onion prices have sky rocketed once again following an acute shortage in supply. In Delhi, onions are being sold at a whopping price of Rs 70 to 80 per kg. In Kashmir too, onions are priced at Rs 80 per kg.