அதிமுகவுடன் ஒரு ரகசிய கூட்டும் கிடையாது.. பொன்னார் பேச்சு

நாகர்கோவில்: அதிமுகவுக்கும், பாஜகவுக்கும் இடையே எந்தவிதமான ரகசிய உடன்பாடும் கிடையாது என்று தமிழக பாஜக தலைவரும், கன்னியாகுமரி தொகுதி வேட்பாளருமான பொன். ராதாகிருஷ்ணன் கூறியுள்ளார்.

நாகர்கோவிலில் அவர் செய்தியாளர்களிடம் பேசுகையில், இரவு 10 மணிக்கும் மேல் பிரசாரம் என்பது பணம் பட்டுவாடா செய்யவே உதவும்.

டி.ஜி.பி ராமானுஜத்தை மாற்றியது பற்றிய தேர்தல் ஆணைய முடிவில் தலையிடவில்லை. இதுபோன்ற நடவடிக்கைகளை இன்னமும் தீவிரப்படுத்த வேண்டும்.

அதிமுகவுக்கும் எங்களுக்கும் ரகசிய உறவு கிடையாது. மோடி வரும் தேதி பற்றி எங்களுக்கு தகவல் வந்ததும், உடனடியாக தெரிவிப்போம். சுஷ்மா சுவராஜையும் பிரசாரத்திற்கு அழைத்துள்ளோம்.

தமிழகத்துக்கென தனி தேர்தல் அறிக்கை கிடையாது. ஆனால் அனைத்து அம்சங்கள் உள்ளடக்கியதாக பாஜகவின் தேர்தல் அறிக்கை இருக்கும் என்றார் அவர்.

English summary

There is no secret pact between BJP and ADMK, said TN BJP chief Pon Radhakrishnan.