புதிய பேருந்துகளுக்கு ரெஸ்ட்... உலா வரும் ஓட்டை உடைசல் – பயணிகள் கவனிப்பாரா?

நெல்லை: தமிழகம் முழுவதும் அரசுப் போக்குவரத்துக் கழகத்தில் புதிய பேருந்துகளை இயக்காமல் ஓட்டை உடைசல் பேருந்துகளை இயக்கி வருவதாக பொதுமக்கள் அச்சம் தெரிவித்துள்ளனர்.

அரசு போக்குவரத்து கழகத்தில் சுமார் 800 புதிய பேருந்துகள் கடந்த சில மாதங்களாக இயக்கப்படாமல் ஓரங்கப்பட்டுள்ளதால் மக்கள் வரிப்பணம் வீணாகி வருவதாகவும் புகார் எழுந்துள்ளது.

தமிழ்நாடு அரசு போக்குவரத்து கழகத்தில் நெல்லை உள்பட 8 கோட்டங்கள் உள்ளன. இதன் மூலம் 20 ஆயிரம் பேருந்துகள் பல்வேறு வழித்தடங்களில் இயங்கப்படுகிறது.

இதில் பல கோட்டங்களில் 50 சதவீத பேருந்துகள் ஓட்டை உடைசலுடன் ஆகி ஓடி கொண்டிருக்கிறது. இதனை கருத்தில் கொண்டு ஆண்டுதோறும் பழைய பேருந்துகளுக்குப் பதிலாக புதிய பேருந்துகள் இயக்கப்படும்.

2014 ஆம் ஆண்டில் புதிய மற்றும் புதுப்பிக்கப்பட்ட 200 பேருந்துகள் ஓதுககீடு செய்யப்பட்டன. இதில் 50 சதவீத பேருந்துகள் மட்டுமே வழங்கப்பட்டுள்ளன.

நெல்லை அரசு போக்குவரத்து கழக கோட்டத்தில் நெல்லை, தூத்துக்குடி, நாகரகோவில் மண்டலங்கள் மூலம் 1985 பேருந்துகள் தினமும் இயக்கபபடுகின்றன. இதில் மாநகர் மற்றும் புறநகர் பகுதிகளுக்கு இயக்கப்படும் பெரும்பாலான பேருந்துகள் பராமரிப்பின்றி இயக்கப்படுவதாகவும், இதன் காரணமாக பல வழித்தடங்களில் தினமும் பேருந்துகள் பழுதடைந்து நிற்கும் அவல நிலை ஏற்பட்டு வருவதாகம் பயணிகள் புகார் தெரிவிக்கின்றனர்.

நெல்லை மாவட்டத்தில இயக்கப்படடு வரும் பெரும்பாலான பேருந்துகள் ஜன்னல் மற்றும் பேருந்துகளின் இடது மற்றும் வலது புற கவர்கள் வளைந்தும், நெளிந்தும் காணப்படுகிறது.

பல கோடி மதிப்புடைய மக்கள வரிப்பணத்தில் வாங்கப்பட்ட புதிய பேருந்துகள் இயக்கப்படாமல் கடந்த சில மாதங்களாக பணிமனைகளில் முடக்கி வைக்கப்பட்டுள்ளதால் வருமான இழப்பு ஏற்பட்டுள்ளது.

இது போல் 8 போக்குவரத்து கழக கோட்டங்களில் சுமார் 800 மேற்பட்ட புதிய பேருந்துகள் இயக்கப்படாமல் நிறுத்தி வைக்கப்பட்டுள்ளதாக கூறப்படுகிறது. இதனால் பழைய அரசு பேருந்துகளைக் கண்டாலே பொதுமக்கள் அலறி அடித்து ஓடி வருகின்றனர். போக்குவரத்து அமைச்சர் இந்த விவகாரத்தை கொஞ்சம் கவனிப்பாரா? என்பது பொதுமக்களின் கேள்வியாகும்.

English summary

Old and damaged govt buses are making scare amongst the pasengers in Nellai.