ஓ.பி.எஸ்ஸுக்கு ஆதரவு தெரிவித்த ஓம் சக்தி சேகர் அதிமுகவிலிருந்து நீக்கம்
முதல்வர் பன்னீர் செல்வத்திற்கு ஆதரவு தெரிவித்த புதுவையைச் சேர்ந்த அதிமுக முன்னாள் எம்எல்ஏ ஓம் சக்தி சேகர் அக்கட்சியில் இருந்து நீக்கப்பட்டுள்ளார்.
சென்னை: புதுச்சேரி அதிமுகவின் முன்னாள் எம்எல்ஏ ஓம் சக்தி சேகர் முதல்வர் ஓ.பன்னீர்செல்வத்துக்கு ஆதரவாக செயல்பட்டதாகக் கூறி ஓம் சக்தி சேகர் அதிமுகவில் இருந்து நீக்கப்பட்டுள்ளார்.
தமிழக முதல்வர் ஓ. பன்னீர்செல்வம், தன்னை கட்டாயப்படுத்தி முதல்வர் பதவியை ராஜினாமா செய்ய வைத்தனர் என்ற வெடிகுண்டை மெரினாவில் தூக்கிப் போட்டார். அதன் பிறகு, தமிழகத்தில் பெரும் காட்சி மாற்றங்கள் நடைபெற்று வருகின்றன.
ஓ. பன்னீர் செல்வத்திற்கு தமிழகத்தைச் சேர்ந்த அதிமுக எம்எல்ஏக்கள் 5 பேரும், முன்னாள் அமைச்சர்கள், முன்னாள் எம்எல்ஏக்கள் ஆதரவு அளித்துள்ளனர். இதே போல் புதுவை அதிமுக முன்னாள் எம்எல்ஏ ஓம்சக்தி சேகரும் ஆதரவு அளித்துள்ளார். மேலும், பன்னீர்செல்வத்தின் முடிவுக்கு ஆதரவு தெரிவிக்கும் வகையில் பொதுமக்களுக்கு ஓம் சக்தி சேகர் இனிப்பு வழங்கியதோடு, சென்னை சென்று முதல்வரையும் சந்தித்து ஆதரவை தெரிவித்தார்.
இந்நிலையில், ஓம்சக்தி சேகர் மீது நடவடிக்கை எடுக்கப்படும் என்று புதுவை மாநில அதிமுக செயலாளர் புருஷோத்தமன் கூறியிருந்த நிலையில், சென்னையில் இருந்து அதிமுக பொதுச் செயலாளர் சசிகலா ஓம் சக்தி சேகர் கட்சியில் இருந்து நீக்கப்பட்டதாக அறிவித்துள்ளார்.
Click it and Unblock the Notifications
Sign in with Google