அடப்பாவமே: அதற்குள் நெட்டில் என்னை அறிந்தால் கசிந்துவிட்டதே!

சென்னை: என்னை அறிந்தால் படம் இன்று தான் ரிலீஸாகியுள்ளது. ஆனால் அதற்குள் படம் இணையதளத்தில் வெளியாகிவிட்டது.

கௌதம் மேனன் இயக்கத்தில் அஜீத் நடித்துள்ள என்னை அறிந்தால் படம் உலகம் முழுவதும் இன்று ரிலீஸாகியுள்ளது. சென்னையில் உள்ள காசி தியேட்டரில் நள்ளிரவு காட்சி திரையிடப்பட்டது. படம் ஓடும் தியேட்டர்களில் ரசிகர்கள் கூட்டம் அலைமோதுகிறது.

இந்நிலையில் படம் வெளியாகி ஒரு நாள் கூட ஆகாத நிலையில் முழுப்படமும் இணையதளத்தில் வெளியாகியுள்ளது. விஷமிகள் சிலர் படத்தை இணையதளத்தில் பார்க்குமாறு கூறி அந்த லிங்கை வெளியிட்டுள்ளனர்.

இவ்வாறு தான் இயக்குனர் ஷங்கர் பார்த்து பார்த்து எடுத்த ஐ படமும் ரிலீஸான வேகத்தில் இணையதளத்தில் வெளியானது என்பது குறிப்பிடத்தக்கது. இணையதளத்தில் வெளியான பிரதி யாரோ தியேட்டரில் எடுத்துள்ளது என்பதால் தெளிவாக இல்லை என்று வேறு அதை பார்த்தவர்கள் தெரிவித்துள்ளனர்.

படக்குழுவினர் பல மாதங்கள் கஷ்டப்பட்டு எடுக்கும் படத்தை இவ்வாறு இணையதளத்தில் வெளியிடுகிறார்கள். என்ன தான் படம் இணையதளத்தில் வெளியானாலும் தியேட்டருக்கு வரும் ரசிகர்கள் வரத் தான் செய்வார்கள் என்று சினிமாக்காரர்கள் மனதை தேற்றிக் கொள்கிறார்கள்.

English summary

Ajith's Yennai Arindhaal movie got leaked in internet within 24 hours of its release.