அதுக்குள்ள மதுரையில் பொதுக்கூட்டம்னு கிளப்பி விட்டாங்களே.. கமல்ஹாசன் மறுப்பு

By Veera Kumar

Updated: Monday, January 22, 2018, 16:56 [IST]

Subscribe to Oneindia Tamil

Recommended Video

கமல்ஹாசன் அடுத்த அரசியல் அதிரடி அறிவிப்பு- வீடியோ

சென்னை: பிப்ரவரி 24ம் தேதி நடிகர் கமல்ஹாசன் மதுரையில் பொதுக்கூட்டம் நடத்த உள்ளதாக வெளியான தகவலை அவர் மறுத்துள்ளாார்.

அரசியல் பிரவேசம் குறித்து கமல்ஹாசன் ஆழ்வார்பேட்டையிலுள்ள தனது இல்லத்தில் இன்று மதுரை, ராமநாதபுரம், சிவகங்கை, திண்டுக்கல் ஆகிய 4 மாவட்ட நற்பணி மன்றத்தினருடன் ஆலோசனை நடத்தினார்.

ஆலோசனையின்போது பிப்ரவரி 24ம் தேதி மதுரையில் பொதுக்கூட்டம் நடத்த உள்ளதாக கமல் தெரிவித்தார் என செய்திகள் வெளியாகின.

அப்துல்கலாம் வீடு

பிப்.21ம் தேதி ராமநாதபுரம் மாவட்டத்தில் அப்துல் கலாம் இல்லத்தில் இருந்து அரசியல் சுற்றுப் பயணத்தை ஆரம்பிக்க உள்ளதாக கமல் ஏற்கனவே அறிவித்திருந்தார். அன்றே தனது கட்சி பெயரை அறிவிக்க உள்ளதாகவும் அவர் தெரிவித்திருந்தார்.

மதுரையில் பொதுக்கூட்டம்

இந்த நிலையில், 24ம் தேதி மதுரையில் மாபெரும் பொதுக்கூட்டத்தை நடத்த அவர் முடிவு செய்துள்ளதாக சில மீடியாக்களில் தகவல் வெளியானது. 21ம் தேதி முதல் சில மாவட்டங்களில் சுற்றுப் பயணம் செய்து மக்களை சந்தித்த பிறகு 24ம் தேதி மதுரையில் நடத்தப்பட உள்ள பொதுக்கூட்டத்துடன் முதல்கட்ட சுற்றுப் பயணத்தை கமல் நிறைவு செய்கிறார் என்றும் தகவல்கள் வெளியாகின.

ஜெயலலிதா பிறந்த நாள்

ஜெயலலிதா பிறந்த நாளான பிப்ரவரி 24ஆம் தேதி அன்று அதிமுகவின் அதிகாரப்பூர்வ நாளிதழ் 'நமது அம்மா' நாளிதழ் வெளியாகும் என தெரிவிக்கப்பட்டுள்ளது. இதனிடையே, கமல்ஹாசன் அன்றே ஏன் பொதுக் கூட்டம் நடத்துகிறார் என்ற சந்தேகம் ஏற்பட்டது.