தினகரனுக்கு திருப்பரங்குன்றம் எம்எல்ஏ ஏகே போஸ் ஆதரவு... எம்எல்ஏ-க்களின் எண்ணிக்கை 22-ஆக உயர்வு

டிடிவி தினகரனுக்கு திருப்பரங்குன்றம் தொகுதி எம்எல்ஏ ஏகே போஸ் ஆதரவு தெரிவித்துள்ளார்.

By Lakshmi Priya

Updated: Sunday, August 27, 2017, 14:39 [IST]

Subscribe to Oneindia Tamil

தேனி: டிடிவி தினகரனை தேனியில் நேரில் சந்தித்து தனது ஆதரவை தெரிவித்துள்ளார் திருப்பரங்குன்றம் எம்எல்ஏ ஏகே போஸ்.

அதிமுகவின் இரு அணிகளும் கடந்த திங்கள்கிழமை ஒன்றாக இணைந்தன. தினகரனையும், சசிகலாவை ஒதுக்கிவைக்க நிர்பந்தித்துவிட்டு ஓபிஎஸ் கட்சிக்கு மீண்டும் வந்ததற்கு எதிர்ப்பு தெரிவித்த தினகரன் ஆதரவு எம்எல்ஏக்கள் 19 பேர் முதல்வர் எடப்பாடிக்கு எதிராக ஆளுநரிடம் மனு அளித்தனர்.

இந்நிலையில் 19 பேரும் புதுவையில் உள்ள விடுதியில் தங்கியுள்ளனர். தாங்கள் அளித்த மனுவுக்கு ஆளுநர் நடவடிக்கை எடுக்கும் வரையில் விடுதியிலேயே தங்கியிருக்க முடிவு செய்துள்ளனர்.

இதைத் தொடர்ந்து தினகரனுக்கு அறந்தாங்கி எம்எல்ஏ ரத்தின சபாபதியும், விருத்தாசலம் எம்எல்ஏ கலைசெல்வனும் ஆதரவு தெரிவித்துள்ளனர். இதனால் டிடிவி தினகரனின் ஆதரவு எம்எல்ஏ-க்களின் எண்ணிக்கை 21-ஆக இருந்தது.

இந்நிலையில் தேனியில் டிடிவி தினகரனை நேரில் சந்தித்த திருப்பரங்குன்றம் எம்எல்ஏ ஏ.கே. போஸ் ஆதரவு தெரிவிப்பதாக கூறினார். இதன் மூலம் தினகரன் ஆதரவு எம்எல்ஏ-க்களின் எண்ணிக்கை 22-ஆக உயர்ந்தது.

இதுகுறித்து போஸ் கூறுகையில் சசிகலாவை ஒதுக்கி வைத்துவிட்டு ஆட்சி செய்ய முடியாது. தினகரன் அணிக்கு மேலும் பல எம்.எல்.ஏ.க்கள் ஆதரவு உள்ளது என்றார் போஸ்.