”பிக் பேஸ்கட்” ஆன்லைன் இனி சென்னையிலும்- வர்த்தகத்தை விரைவில் தொடங்க திட்டம்

சென்னை: சென்னையில் முன்னணி ஆன்லைன் வர்த்தக நிறுவனமான பிக் பேஸ்கட் நிறுவனம் தனது வர்த்தகத்தை தொடங்க உள்ளது.

இதற்கான அறிவிப்பை நேற்று நடந்த பத்திரிக்கையாளர் சந்திப்பில் வெளியிட்டார் அந்நிறுவனத்தில் தலைமை செயல் அதிகாரி ஹரி மேனன்.

பெங்களூருவைச் தலைமையிடமாக கொண்ட இந்த நிறுவனம் காய்கறிகள் மற்றும் வீடுகளுக்குத் தேவையான பலசரக்கு பொருட்களை ஆன்லைன் மூலம் விற்பனை செய்து வருகிறது.

பெங்களூரு, மும்பை, ஹைதராபாத், மற்றும் புனே நகரங்களில் இந்த நிறுவனம் ஆன்லைன் வர்த்தகம் செய்து வந்தது. இந்நிறுவனத்தின் சென்னை கிளையில், "பிராண்டட் பொருட்கள் தவிர உள்ளூர் அளவிலான லோக்கல் பிராண்டுகளும் கிடைக்குமாம். மேலும் ஆன்லைன் மூலமாகவும், ஆப்ஸ் மூலமாகவும் ஆர்டர்கள் கொடுக்க முடியும்" என்று தெரிவித்தார்.

உள்ளூர் அளவிலான தொழில்களில் சென்னை நகரம் முக்கிய சந்தையாக இருப்பதால் அங்கு தொழிலை விரிவுபடுத்துகிறோம் என்று ஹரி மேனன் குறிப்பிட்டார்.

English summary

BigBasket.com, an online grocery retailer, has launched its operation in Chennai. Hari Menon, Co-founder and CEO, said customers can shop online for fresh fruits, vegetables, grocery and the entire range of products and have them delivered at their doorstep.