ஓபிஎஸும் ஈபிஎஸும் நடிப்பில் "கிங்".. போட்டுத் தாக்கிய "கேப்டன்"!
ஓபிஎஸும் ஈபிஎஸும் நடிப்பில் கிங் என தேமுதிக தலைவர் விஜயகாந்த் தெரிவித்துள்ளார்.
சென்னை: ஓபிஎஸும் ஈபிஎஸும் நடிப்பில் கிங் என தேமுதிக தலைவர் விஜயகாந்த் தெரிவித்துள்ளார்.
தமிழக ஆளுநர் பன்வாரிலால் புரோஹித்தை தேமுதிக எதிர்க்கட்சித் தலைவர் விஜயகாந்த் இன்று சந்திதார். அப்போது தமிழகத்தில் நிலவும் பிரச்சனைகள் குறித்து தேமுதிக சார்பில் ஆளுநரிடம் அவர் மனு கொடுத்தார்.
இதைத் தொடர்ந்து செய்தியாளர்களிடம் பேசிய அவர், கமலும் ரஜினியும் அரசியலுக்கு வந்தா வரட்டும் என்றார். கமல், ரஜினி குறித்து தொடர்ந்து என்னிடம் கேட்பது பிடிக்கவில்லை என்றும் கூறினார்.
ரஜினியும் கமலும் சினிமாவில் நடிப்பார்கள், ஓபிஎஸும் ஈபிஎஸும் நேரில் நடிப்பார்கள் என்றும் விஜயக்காந்த் கூறினார். ஓபிஎஸும் ஈபிஎஸும் நன்றாக நடிக்கிறார்கள் என்றும் அவர் கூறினார்.
சிவாஜி மணிமண்டப திறப்பு விழாவுக்கு தனக்கு அழைப்பு விடுவிக்கவில்லை என்றும் அவர் கூறினார். அதன்காரணமாகவே தான் சிவாஜி மணி மண்டப திறப்பு விழாவில் பங்கேற்கவில்லை என்றும் அவர் தெரிவித்தார்.
Click it and Unblock the Notifications
Sign in with Google