கருத்து கந்தசாமி, சிஸ்டம் சிந்தனையாளர்கள்... ரஜினி. கமல் மீது ஓபிஎஸ் தாக்கு
துணை முதல்வர் ஓ.பன்னீர்செல்வம் ரஜினியையும் கமல்ஹாசனையும் ஓராண்டு சாதனை விழாவில் சாடியுள்ளார்.
சென்னை: மக்களை பற்றி சிந்திக்காதவர்கள் சிஸ்டத்தை பற்றி சிந்திக்கிறார்கள் என ஓராண்டு சாதனை விழாவில் துணை முதல்வர் ஓ.பன்னீர்செல்வம் ஆவேசமாக பேசியுள்ளார்.
முதல்வர் எடப்பாடி பழனிசாமியின் ஓராண்டு சாதனை விழா இன்று சென்னை கலைவாணர் அரங்கில் நடைபெற்று வருகிறது. இதில் தமிழ், ஆங்கில மொழிகளில் அரசின் ஓராண்டு சாதனை மலரை முதல்வர் எடப்பாடி பழனிச்சாமி வெளியிட்டார்.
துணை முதல்வர் ஓ.பன்னீர்செல்வம் மற்றும் அமைச்சர்கள், நிர்வாகிகள் பலர் பங்கேற்றுள்ளனர்.நிகழ்ச்சியில் பேசிய துணை முதல்வர் ஓ.பன்னீர்செல்வம், அரசியல் பற்றி தெரியாதவர்களுக்கு பூஜ்ஜியம்தான் கிடைக்கப்போகிறது என்றார்.
தமிழக முதல்வர் எடப்பாடி பழனிசாமிக்கு உறுதுணையாக இருப்போம் என்று கூறினார். புதிதுபுதாக பலர் அரசியலுக்கு வருகிறார்கள் என்ற அவர் மக்களை பற்றி சிந்திக்காதவர்கள் சிஸ்டத்தை பற்றி சிந்திக்கிறார்கள் என்று கூறி ரஜினியை சாடினார்.
இதேபோல் சிலர் கருத்து கந்தசாமியாக உள்ளனர் எனக்கூறி கமல்ஹாசனையும் வாரினார். மேலும் எங்களுக்கு குழிபறிக்க நினைப்பவர்களை நாங்கள் விடமாட்டோம் என்றும் துணை முதல்வர் ஓ.பன்னீர்செல்வம் தெரிவித்துள்ளார்.
Click it and Unblock the Notifications
Sign in with Google