தாத்தா நான் பாசாயிட்டேன்....!

சென்னை: இசைஞானி இளையராஜா மற்றும் இசையமைப்பாளர் தேவா ஆகியோரின் பேத்தியான லயா வர்ஷினி, பத்தாம் வகுப்புத் தேர்வில் 90 சதவீத மதிப்பெண்கள் பெற்று தேர்வாகியுள்ளார்.

இளையராஜாவின் மறைந்த சகோதரர் ஆர்.டி.பாஸ்கர். மறைந்த பாஸ்கரின் மகன் பார்த்தி பாஸ்கர். இவர் இசையமைப்பாளர் தேவாவின் மகளைத் திருமணம் செய்துள்ளார். இந்தத் தம்பதியின் மகள்தான் லயா வர்ஷினி.

லயா வர்ஷினி இந்த ஆண்டு பத்தாம் வகுப்பு பொதுத் தேர்வு எழுதியிருந்தார். தேர்வில் அவர் 90 சதவீத மதிப்பெண்களுடன் தேர்ச்சி பெற்றுள்ளார். இதையடுத்து தனது தாத்தா இளையராஜாவை நேரில் சந்தித்து தகவலைத் தெரிவித்து வாழ்த்தும், ஆசியும் பெற்றார்.

இந்தத் தகவலை புகைப்படத்துடன் தனது பேஸ்புக் பக்கத்தில் இளையராஜாவின் மூத்த சகோதரர் பாவலர் வரதராஜனின் மகன் பாவலர் சிவா போட்டுள்ளார்.

English summary

Director Parthi Bhaskar's daughter and Maestro Ilayaraja and Deva's grand daughter Laya Varshini has got 90% marks in SSLC results.