பெரியகுளம் அதிமுக எம்எல்ஏவுக்கு திடீர் நெஞ்சுவலி: மருத்துவமனையில் அனுமதி

By Karthikeyan

Published: Saturday, February 4, 2017, 21:30 [IST]

Subscribe to Oneindia Tamil

தேனி: பெரியகுளம் தொகுதி அதிமுக எம்.எல்.ஏ. கதிர்காமுவுக்கு நெஞ்சுவலி ஏற்பட்டது. இதையடுத்து மதுரை தனியார் மருத்துவமனையில் சிகிச்சைக்காக
அனுமதிக்கப்பட்டுள்ளார்.

தேனி மாவட்டம் பெரியகுளம் சட்டசபை தொகுதியில் அதிமுக சார்பில் போட்டியிட்டு வெற்றி பெற்றவர் கதிர்காமு. இந்தநிலையில் கட்சி பிரமுகர் ஒருவரின் துக்க நிகழ்ச்சியில் கதிர்காமு இன்று பங்கேற்றார். அப்போது அவருக்கு திடீரென நெஞ்சுவலி ஏற்பட்டது.

periyakulam admk mla kathirkamu suffers heart attack

இதையடுத்து உடனடியாக பெரியகுளம் அரசு மருத்துமனையில் அனுமதிக்கப்பட்டார். அங்கு கதிர்காமுக்கு முதலுதவி சிகிச்சை அளிக்கப்பட்டது.

பின்னர் தேனி மருத்துவக்கல்லூரி மருத்துவமனையில் சிகிச்சை பெற்றார். அதைத் தொடர்ந்து மதுரை தனியார் மருத்துவமனையில் அனுமதிக்கப்பட்டுள்ளார். அவருக்கு மருத்துவர்கள் தீவிர சிகிச்சை அளித்து வருகின்றனர்.

Published On February 4, 2017