பெட்ரோல், டீசல் விலை இன்றும் உயர்வு: சென்னையில் 1 லிட்டர் பெட்ரோலின் விலை ரூ. 85.47

சென்னை: பெட்ரோல், டீசல் விலை இன்றும் உயர்த்தப்பட்டுள்ளது.

சர்வதேச சந்தையில் கச்சா எண்ணெய்யின் விலைக்கு ஏற்ப பெட்ரோல், டீசல் விலையை எண்ணெய் நிறுவனங்கள் தினமும் உயர்த்தி வருகின்றன. கடந்த ஆக்ஸட் மாதம் 1ம் தேதியில் இருந்து கிட்டத்தட்ட தினமும் விலை உயர்த்தப்பட்டு வருகிறது.

ஆகஸ்ட் 13ம் தேதி மட்டும் விலை குறைந்தது. ஆனால் தற்போது இரண்டு வாரங்களாக வரலாறு காணாத அளவுக்கு விலை உயர்ந்துள்ளது. இந்நிலையில் இன்றும் பெட்ரோல், டீசல் விலை உயர்த்தப்பட்டுள்ளது.

பெட்ரோல் விலை 10 காசுகளும், டீசல் விலை 9 காசுகளும் உயர்ந்துள்ளது. இதையடுத்து இன்று சென்னையில் ஒரு லிட்டர் பெட்ரோல் ரூ. 85.47க்கும், டீசல் ரூ. 78.15க்கும் விற்கப்படுகிறது. மும்பையில் ஒரு லிட்டர் பெட்ரோல் ரூ. 89.54க்கும், டீசல் ரூ. 78.42க்கும் விற்கப்படுகிறது.

நான்கு மெட்ரோ நகரங்களில் டெல்லியில் தான் பெட்ரோலின் விலை குறைந்த அளவாக லிட்டருக்கு ரூ. 82.16க்கு விற்கப்படுகிறது. அங்கு வரி குறைப்பால் விலை குறைவாக உள்ளது.

பெட்ரோல், டீசல் விலை உயர்வு வாகன ஓட்டிகளுக்கு பெரும் கவலையை அளித்துள்ளது என்பது குறிப்பிடத்தக்கது.

English summary

Petrol, Diesel prices have been increased today. Petrol and diesel cost extra Rs 0.10 and Rs. 0.09 per litre.