தினம், தினம் புது உச்சம்.. பெட்ரோல், டீசல் விலையில் சா(சோ)தனை.. இன்றைய சென்னை நிலவரம் தெரியுமா?
சென்னை: பெட்ரோல், டீசல் விலை இன்று மேலும், அதிகரித்துள்ளது. தினம் தினம் பெட்ரோலிய பொருட்கள் விலை புது உச்சம் தொட்டு வருகிறது.
டாலருக்கு எதிரான இந்திய ரூபாய் மதிப்பு சரசரவென சரிவடைந்து வருவதால் பெட்ரோலிய பொருட்கள் மீதான விலை என்பது தினம் தினம் உச்சம் தொட ஆரம்பித்துள்ளது.
ஞாயிற்றுக்கிழமையான இன்று, மும்பையில், லிட்டர் பெட்ரோல் விலை ரூ.87.89-ஆகவும், டீசல் விலை 77.09 என்ற அளவிலும் உள்ளது. டெல்லியில் பெட்ரோல் விலை ரூ.80.50, டீசல் விலை ரூ.72.61 என்ற அளவிலும் உள்ளது.
கொல்கத்தாவில் பெட்ரோல் ரூ.83.39, டீசல் ரூ.75.46 என்ற விலையில் விற்பனையாகிறது. சென்னையில் ஒரு லிட்டர் பெட்ரோல், ரூ.83.66, டீசல் ரூ.76.75 என்ற விலைக்கும் விற்பனையாகிறது. இந்தியா தனது கச்சா எண்ணை தேவையில் 80 சதவீதத்தை வெளிநாடுகளில் இருந்துதான் இறக்குமதி செய்கிறது. எனவே இந்திய ரூபாய் மதிப்பு சரிவடைந்ததால் பெட்ரோலிய பொருட்கள் மீதான விலையும் அதிகரித்துள்ளது.
டெல்லியில் வாட் வரி என்பது குறைவு என்பதால், அங்கு பிற நகரங்கலை ஒப்பிட்டால் பெட்ரோல் விலை குறைவாக உள்ளது.