அதிமுக- திமுகவுக்கு எதிராக கூட்டணி- பாமக பொதுக்குழுவில் வலியுறுத்தல்

சென்னை: தமிழகத்தில் அதிமுக, திமுகவுக்கு எதிராக கூட்டணி அமைக்க வேண்டும் என்று பாட்டாளி மக்கள் கட்சியின் பொதுக்குழுவில் வலியுறுத்தப்பட்டுள்ளது.

சென்னை தேனாம்பேட்டையில் உள்ள காமராஜர் அரங்கில் இன்று காலை பாமக தலைமை பொதுக்குழு கூட்டம் நடைபெற்றது. இந்த கூட்டத்துக்கு பாமக நிறுவனர் டாக்டர் ராமதாஸ் தலைமை வகித்தார்.

திராவிட, தேசிய கட்சிகளுடன் கூட்டணி அமைக்க மாட்டோம் என்று உறுதிபட ராமதாஸ் முன்பு தெரிவித்திருந்தார். ஆனால் தற்போது பாஜகவுடன் கூட்டணி அமைக்க பாமக முடிவு செய்திருக்கிறது.

அண்மையில் டெல்லியில் பாஜக தலைவர் ராஜ்நாத் சிங்கை அன்புமணி நேரில் சந்தித்து பேசியிருந்தார். இந்நிலையில் இன்று நடைபெற்ற பாமக தலைமை பொதுக்குழுக் கூட்டத்தில் திமுக, அதிமுகவுக்கு எதிராக டாக்டர் ராமதாஸ் கூட்டணியை அமைக்க வேண்டும் என்று அக்கட்சி நிர்வாகிகள் வலியுறுத்தினர்.

அதிமுக- திமுகவுக்கு கண்டனம்

இன்றைய பொதுக்குழுவில் மொத்தம் 16 தீர்மானங்கள் நிறைவேற்றப்பட்டன. அதில், இலங்கையில் தமிழர்கள் மரியாதையுடன் வாழ்வதை உறுதி செய்ய ஐ.நா. மூலம் தனித்தமிழீழம் அமைப்பதும் தான் ஈழத் தமிழர்களுக்கு நாம் வழங்கும் நீதியாக இருக்கும். இதை செய்யத் தவறிய மத்திய அரசுக்கும், அவ்வாறு செய்யும்படி மத்திய அரசுக்கு நெருக்கடி தரத் தவறிய முந்தைய தி.மு.க. அரசு மற்றும் இப்போதைய அ.தி.மு.க. அரசுக்கும் பா.ம.க. கட்சியின் தலைமை பொதுக்குழு கடும் கண்டனத்தைத் தெரிவித்துக் கொள்கிறது என்று தெரிவிக்கப்பட்டுள்ளது.

மேலும் மின்வெட்டை சரிசெய்யாத தமிழக அரசுக்கு கண்டனம் தெரிவித்தும் தீர்மானம் நிறைவேற்றப்பட்டது.

English summary

The PMK’s general council meeting here on Thursday is expected to usher in a significant change in direction for the Vanniyar-based party, with leaders expected to soften their oft repeated stand against an alliance with either Dravidian or national parties for the coming Lok Sabha polls.