பாமகவில் மயிலாப்பூர் உள்ளிட்ட 4 தொகுதி வேட்பாளர்கள் மாற்றம்

சென்னை: சட்டசபைத் தேர்தலுக்கான வேட்பு மனுத்தாக்கல் இன்று தொடங்கியுள்ள நிலையில் பாட்டாளி மக்கள் கட்சி மயிலாப்பூர், திருத்துறைப்பூண்டி, தளி, பாலக்கோடு தொகுதிகளில் அறிவிக்கப்பட்ட வேட்பாளர்களை மாற்றியுள்ளது

இது குறித்து கட்சித் தலைவர் ஜி.கே.மணி வெளியிட்டுள்ள அறிக்கை:

எதிர்வரும் 16.05.2016 திங்கட்கிழமை நடைபெறவிருக்கும் தமிழ்நாடு சட்டப்பேரவைத் தேர்தலில் 234 தொகுதிகளிலும் பாமக சார்பில் போட்டியிடும் வேட்பாளர்கள் அறிவிக்கப்பட்டுள்ளனர்.

அவர்களில் 4 தொகுதிகளின் வேட்பாளர்கள் கீழ்க்கண்ட விவரப்படி பாமக நிறுவனர் ராமதாஸ், பாமக முதலமைச்சர் வேட்பாளர் அன்புமணி இராமதாஸ் ஆகியோரின் ஒப்புதலுடன் மாற்றப்படுகின்றனர் எனத் தெரிவித்துள்ளார்.

வேட்பாளர்கள் மாற்றம் விவரம்:

1. மயிலாப்பூர் - மீனாட்சி ஆனந்துக்கு பதிலாக என்.சுரேஷ்குமார்

2. தளி - வெ.கந்தசாமிக்கு பதிலாக அருண்ராஜன்

3. பாலக்கோடு - அ.சரவணனுக்கு பதிலாக கு.மன்னன்

4. திருத்துறைப்பூண்டி - உ.காசிநாதனுக்கு பதிலாக ச.ராஜமோகன்

வேட்புமனு தாக்கல் இன்று தொடங்கியுள்ள நிலையில், பாமக வேட்பாளர்கள் 4 பேர் மாற்றப்பட்டுள்ளனர்.

முன்னதாக உளுந்தூர்பேட்டை தொகுதி பாமக வேட்பாளர் மாற்றப்பட்டு விஜயகாந்துக்கு எதிராக பாலு களமிறக்கப்பட்டார். இப்போது இரண்டாவது முறையாக 4 தொகுதிகளில் போட்டியிடும் பாமக வேட்பாளர்கள் மாற்றப்பட்டுள்ளனர்.

அதிமுக, திமுக, தேமுதிகவிலும் வேட்பாளர்கள் மாற்றப்பட்டு வருகின்றனர் என்பது குறிப்பிடத்தக்கது.

English summary

PMK today changed its 4 constituencies Mylapore, Tiruthuraipoondi, Thali, and Palakkodu. G.K.Mani announced new candidates name list.