டெக்னிகலாக கலக்கும் பாமக... உறுப்பினர்களை சேர்க்க புது ஆப்

உறுப்பினர் சேர்க்கைக்கு புது ஆப் தொடங்கியுள்ளது பாமக. இதன் மூலம் கட்சியின் செயல்பாடுகளை தொழில்நுட்ப ரீதியாக முன்னெடுக்க துவங்கியிருக்கிறது.

சென்னை: மாற்றம் முன்னேற்றம் அன்புமணி என்று கூறி சட்டசபை தேர்தலில் முதல்வர் வேட்பாளராக களமிறங்கினார் அன்புமணி ராமதாஸ். என்னதால் விதமாக மேடையில் பேசினாலும் மக்களின் ஆதரவு என்னவோ அதிமுக, திமுகவிற்குத்தான் கிடைத்தது.

லோக்சபா எம்.பியாக உள்ள அன்புமணியின் லட்சியம் எல்லாம் 2021 சட்டசபை தேர்தலை நோக்கி குவிந்துள்ளது. இன்று 5 ஆண்டுகளுக்கு கட்சியை வளர்க்க என்ன செய்ய வேண்டும் என்று முக்கிய நிர்வாகிகளுடன் இணைந்து ஆலோசித்ததன் விளைவுதான் புது ஆப். இளைய தலைமுறையினரை கவரும் வகையில் செல்போன் மூலம் கட்சியை வளர்க்க பாடு படுகின்றனர் பாமகவினர்.

முதன்முறையாக பா.ம.க.வின் உறுப்பினர் புதுப்பித்தல், புதிய உறுப்பினர் சேர்த்தல் உள்ளிட்ட செயல்களை தொடுதிரை செயலி மூலம் பதிவு செய்யும் முறையை தைலாப்புர தோட்டத்தில் தொடங்கி வைத்தார் டாக்டர் ராமதாஸ். மேலும் ராமதாசும் அவரது மனைவி சரஸ்வதியும் தங்கள் உறுப்பினர் அட்டையை புதிய செயலி வழியாக கைப்பேசி மூலம் புதுப்பித்தனர். கட்சியின் செயல்பாடுகளை தொழில்நுட்ப ரீதியாக முன்னெடுக்க துவங்கியிருக்கிறது பா.ம.க.!

English summary

PMK has introduced a new mobile App to add new members into the party and Dr Ramadoss and his wife used the App first and renewed their membership.